Паводле яго, калі сытуацыя з каранавірусам пагоршыцца, а рост колькасьці заражаных COVID-19 працягнецца, то правядзеньне Алімпійскіх гульняў стане надзвычай цяжкім, варыянт адмены спаборніцтваў становіцца магчымым.
Міністар, адказны за правядзеньне вакцынацыі, Таро Кона заявіў у эфіры тэлеканалу «Асахі», што летнія Алімпійскія і Паралімпійскія гульні ў Токіё могуць прайсьці цалкам без гледачоў. Раней арганізатары прынялі рашэньне правесьці спаборніцтвы без замежных заўзятараў.
Летняя Алімпіяда ў Токіё мусіла адбыцца летась, але з прычыны пандэміі каранаварусу Гульні перанесьлі на ліпень 2021 году.
ГЛЯДЗІЦЕ ТАКСАМА: The Times паведаміла аб плянах адмяніць летнюю Алімпіяду. Японія гэта адмаўляеУ студзені газэта The Times са спасылкай на крыніцу ва ўрадзе Японіі паведаміла, што японскія ўлады вырашылі адмяніць Алімпійскія гульні ў Токіё ў 2021 годзе з прычын пандэміі.
Паводле суразмоўцы выданьня, японскія ўлады ўжо прынялі рашэньне і цяпер шукаюць спосаб паведаміць пра гэта сьвету, «захаваўшы твар». Аднак ва ўрадзе Японіі катэгарычна абверглі гэтую публікацыю The Times, заявіўшы, што яна не адпавядае сапраўднасьці. Кіраўнік Міжнароднага алімпійскага камітэту (МАК) Томас Бах таксама заявіў, што арганізацыя не плянуе адмяняць Алімпійскія гульні ў Токіё.
Праведзенае ў красавіку агенцтвам Kyodo апытаньне паказала, што 72% апытаных жыхароў Японіі хочуць, каб Алімпійскія гульні ў Токіё былі адменены або адкладзеныя з прычыны пандэміі.
ГЛЯДЗІЦЕ ТАКСАМА: 10 краін за 120 гадоў. Каго і за што адхілялі ад Алімпійскіх гульняў