МУС: вайскоўца-ўцекача затрымалі

Ілюстрацыйнае фота

Аляксандра Караткевіча, які зьбег з вайсковай часткі, знайшлі і затрымалі, паведаміла Міністэрства ўнутраных спраў у сваім Тэлеграм-канале.

Паводле паведамленьня, 4 красавіка каля 20:00 да міліцыі зьвярнулася жыхарка вёскі Лабані Вушацкага раёну. Яна паведаміла, што бачыла маладога чалавека, падобнага да салдата, які знаходзіўся ў вышуку. Супрацоўнікі міліцыі затрымалі вайскоўца.

2 красавіка вайсковец тэрміновай службы пакінуў палігон у Берасьцейскай вобласьці на грузавіку. Аўтамабіль знайшлі каля дарогі ў Вушацкім раёне.

ГЛЯДЗІЦЕ ТАКСАМА: МУС: Пошук зьбеглага вайскоўца вядзецца ў 11 раёнах Віцебскай вобласьці
ГЛЯДЗІЦЕ ТАКСАМА: На «Гродна Азоце» здарылася аварыя