У Міністэрстве аховы здароўя 30 сакавіка прайшло пасяджэньне лячэбна-кантрольнай рады па працы Віцебскай лякарні хуткай мэдыцынскай дапамогі ва ўмовах COVID-19. На ім разгледзелі матэрыялы 2 праверак камісій Мінздароўя і пратаколы Клініка-патолягаанатамічнай канфэрэнцыі Віцебскай вобласьці па выпадках сьмерці пацыентаў у рэанімацыі.
Паводле Мінздароўя, устанавілі прычыны і ўмовы, якія спрыялі спыненьню падачы кіслароду ў аддзяленьні рэанімацыі — «выяўлена неадпаведнасьць абсталяваньня дзяржаўным стандартам».
Канчатковыя высновы зробяць пазьней, іх паабяцалі апублікаваць.
ГЛЯДЗІЦЕ ТАКСАМА: У віцебскую лякарню пасьля інфармацыі аб адключэньні кіслароду прыехалі сьледчыяПраверка выявіла недахопы ў
- арганізацыі неабходнага абсьледаваньня і лячэньня,
- маніторынгу дынамікі стану пацыентаў,
- афармленьні мэдычных дакумэнтаў,
- выкананьні санітарна-супрацьэпідэмічнага рэжыму.
Раней загадчык аддзяленьня рэанімацыі віцебскай БХМД Уладзімер Мартаў расказаў Tut.by, што на пачатку студзеня ў хірургічным корпусе тройчы адключалася падача кіслароду — на 15, 20 і 23 хвіліны. Дакладнай колькасьці памерлых ён не назваў, але сказаў, што гэта «не адзін і ня два чалавекі».
Міністар аховы здароўя Дзьмітры Піневіч прызнаў факт інцыдэнту, але заявіў, што перабоі ў падачы кіслароду не былі прычынай гібелі пацыентаў.
ГЛЯДЗІЦЕ ТАКСАМА: Міністар Піневіч заявіў, што інцыдэнт з падачай кіслароду на ШВЛ ў Віцебску ня зьвязаны з гібельлю хворых ГЛЯДЗІЦЕ ТАКСАМА: Віцебскі доктар пракамэнтаваў дыялёг Лукашэнкі зь міністрам: «Перабоі з кіслародам дагэтуль здараюцца»