«Непрымальнае стаўленьне ўлады Беларусі да прадстаўнікоў польскай меншасьці. Правы меншасьцяў неабходна паважаць! ЭЗ працягвае падтрымліваць беларускі народ у яго імкненьні да свабоды», — напісаў Вархэі ў сваім афіцыйным Twitter-канале.
Unacceptable treatment of Polish minority representatives by authorities in #Belarus. The rights of minorities must be respected! #EU continues to stand by the Belarusian people in their quest for freedom.
— Oliver Varhelyi (@OliverVarhelyi) March 30, 2021
Раней Эўразьвяз заклікаў улады Беларусі неадкладна вызваліць старшыню Саюзу палякаў Беларусі Анжаліку Борыс і іншых палітычных вязьняў.
23 сакавіка арыштавалі і асудзілі на 15 сутак старшыню Саюзу палякаў Беларусі Анжаліку Борыс. 25 сакавіка затрымалі журналіста, сябра праўленьня Саюзу палякаў Беларусі Анджэя Пачобута.
ГЛЯДЗІЦЕ ТАКСАМА: Журналіста Анджэя Пачобута перавялі ў СІЗА на Валадарскага ГЛЯДЗІЦЕ ТАКСАМА: Супраць дзеячоў Саюзу палякаў Беларусі завялі крымінальную справу
У офісах Саюзу палякаў па ўсёй краіне праведзеныя ператрусы. Супраць кіраўніцтва Саюзу палякаў Беларусі ўзбуджаная крымінальная справа.
Прэм’ер Польшчы Матэуш Маравецкі параўнаў дзеяньні беларускіх уладаў з захопам закладнікаў і заклікаў спыніць перасьледаваць палякаў, якія пражываюць у Беларусі.