25 сакавіка ў Менску каля кінатэатра «Кастрычнік» затрымалі 71-гадовую лекарку, анколяга-мамоляга Сьвятлану Яцкову. У пратаколе напісалі, што яна была апранутая ў бел-чырвона-белае, а на рукаве віселі белыя і чырвоныя стужкі, паведаміў тэлеграм-канал «Вясна назірае».
На судзе Сьвятлана Яцкова сказала, што яна вярталася з працы, калі да яе падышоў малады міліцыянт у чорнай форме і сказаў: «Што гэта ты так выстраілася?»
Паводле Яцковай, бел-чырвона-белых стужак на ёй не было.
Яна расказала, што ў РУУСе ёй стала блага, падняўся ціск. Міліцыянты казалі: «Ёй трэба ці „хуткую“ выклікаць, ці дадому адпусьціць, каб яна тут не памерла». І ў гадзіну ночы яе выпусьцілі з позвай у суд.
Судзьдзя Марына Фёдарава аштрафавала Сьвятлану Яцкову на 3770 рублёў.
Паводле праваабаронцаў, 25 сакавіка затрымалі больш за 200 чалавек.
ГЛЯДЗІЦЕ ТАКСАМА: Да 30 сутак. Выносяць прысуды затрыманым у Дзень Волі ГЛЯДЗІЦЕ ТАКСАМА: Галоўны вынік Дня Волі ГЛЯДЗІЦЕ ТАКСАМА: Доктару Руслану Бадамшыну прысудзілі 15 сутак. Гэты ягоны 5-ы арышт ГЛЯДЗІЦЕ ТАКСАМА: Як прайшоў Дзень Волі. Выніковае відэа