Вядомы гарадзкі актывіст з Магілёва Сяргей Пехцераў пакінуў краіну. У інстаграме ён напісаў, што знаходзіцца ў бясьпецы і за мяжой.
«Пасьля „сутак“ у верасьні мяне 4 разы тузалі людзі ў пагонах, хоць я нічога не рабіў. Не ўваходзіў у дваровыя чаты, не псаваў сьценаў, не распаўсюджваў газэтаў, не спыняў цягнікоў, не раскідваў шрубаў ля РАУС, не заклікаў праз LOSQUE выходзіць на маршы і блякаваў усе падобныя заклікі. Уся мая поствыбарная актыўнасьць была накіравана на дапамогу людзям і разьвіцьцё гораду, як і раней».
ГЛЯДЗІЦЕ ТАКСАМА: 14 сутак прысудзілі гарадзкому актывісту з Магілёва, які на мітынгу нёс плякат «Только раз в аду»17 сакавіка Сяргея Пехцерава затрымалі, увечары адпусьцілі. У магілёўца канфіскавалі аўтамабіль, працоўны кампутар і тэлефон. Канфіскацыю матывавалі неабходнасьцю агляду ў рамках адміністрацыйнай справы.
На думку Сяргея, міліцыя зноў занялася ім за тэлеграм-канал LOSQUE, у якім ён публікуе інфармацыю. Ён назваў гэта «зачысткай» напярэдадні Дня Волі.
«Працаваць, зарабляць і плаціць падаткі ў Беларусі стала немагчыма. Я „лішні“», — дадаў Пехцераў.
ГЛЯДЗІЦЕ ТАКСАМА: «За што ж я змагалася?» Мянчанка расказала, як уцякла ў Польшчу і трапіла ў лягер для ўцекачоўСяргей Пехцераў — дызайнэр і праграміст. Працуе над тым, каб палепшыць Магілёў, зрабіўшы яго камфортнейшым. За рэалізацыю трох праектаў грамадзянская ініцыятыва «Грамадзкі магістрат» прызнала яго «Асобай году».
Пехцераў у інтэрвію Свабодзе казаў, што беларускія ўлады ўспрымаюць незалежную ад іх грамадзкую актыўнасьць стэрэатыпна. Чыноўнікам складана правесьці мяжу «паміж актывізмам і апазыцыйнай палітычнай дзейнасьцю», таму яны зь недаверам ставіцца да такіх актывістаў, як сам Пехцераў.
ГЛЯДЗІЦЕ ТАКСАМА: «Мясцовая ўлада баіцца актыўнасьці грамадзян», — магілёўскі гарадзкі актывіст ГЛЯДЗІЦЕ ТАКСАМА: «З Лукашэнкам агульная толькі радзіма». Як дызайнэр з пакаленьня незалежнасьці зьмяняе жыцьцё гораду