Дачка напісала Алене Міцінай, што ў яе быў чарговы таемны суд. Ёй дадалі яшчэ 15 сутак да тых 90, якія былі раней прызначаныя судом. Анастасія была асуджаная на 15 дзён арышту ўжо шэсьць разоў. Цяпер — сёмы.
«Выйдзе на Дзень Перамогі. Будзе „падарунак“ яе дзядулю, вэтэрану вайны, які чакае ўнучку з турмы і казаў, што тое, што адбываецца цяпер, — фашызм», — дадала маці.
Раней яна расказвала Свабодзе, як міліцыянт з Навабеліцкага РАУС заявіў, што «больш няма на каго вешаць, апроч яе, бо ў некаторых дзеці, а іншыя зьехалі за мяжу». «Так ён патлумачыў тое, што Насьцю чарговы раз пакаралі арыштам», — расказвала ў лютым Алена.
ГЛЯДЗІЦЕ ТАКСАМА: Праваабаронцы паведамілі ў ААН пра жанчыну, якую караюць шостым арыштам запар, агулам на 90 сутакАнастасію судзяць, паводле маці, за нейкія здымкі зь бел-чырвона-белым сьцягам і праз паказаньні чалавека, які сьцьвярджае, што дзяўчына ўдзельнічала ў «партызанінгу».
«У мяне дома і ў дзеда Насьці, вэтэрана, праводзілі ператрусы. 6 лютага дачка выйшла зь першых 15 сутак, а 8 лютага яе зноў забралі, і з таго часу толькі дадаюць чарговыя суткі! Яе дапытвалі ў міліцыі: „Каго ты ведаеш, дай паказаньні на іншых, здай раённы сьцяг“. Але калі яна ня ведае, дзе сьцяг? Калі яна ня ведае, хто тыя людзі, якія стаялі са сьцягамі? Яна ня можа здаць людзей міліцыянту, бо ня ведае іх, а ён злуецца! І дае чарговыя суткі», — казала маці.
«Нават не магу ўявіць — за што зноў яе судзілі... Перадачы бяруць цераз раз, і ня ўсё. Лісты не даходзяць да яе. Хоць я ведаю, што шмат людзей піша ёй», — дадала Алена Міціна.
Днямі Перавошчыкаву перавялі адбываць пакараньне ў Буда-Кашалёва. У мясцовым ізалятары жорсткія ўмовы і няма прыбіральні, толькі вядро,— пра гэта паведамлялі людзі, якія там сядзелі,— Натальля Суслава і Ігар Краўчанка
ГЛЯДЗІЦЕ ТАКСАМА: «Больш няма на каго вешаць». Жыхарку Гомля асудзілі на 75 сутак