Упраўленьне культуры Менгарвыканкаму адмовіла ў канцэртным пасьведчаньні берасьцейскаму панк-гурту «Дай Дарогу!».
Першапачаткова выступ плянаваўся 7 траўня ў сталічным клюбе Re: Public.
«Нават фармальнай прычыны ў выглядзе каранавірусу ўжо не фігуруе, — пракамэнтаваў рашэньне менскіх ідэолягаў фронтмэн калектыву Юры Стыльскі. — Спасылаюцца на „Кодэкс аб культуры“, артыкул 215, пункт 1.8: „...Парушэньне іншых патрабаваньняў актаў заканадаўства“. Вельмі зручны артыкул, можна ўжываць да любых артыстаў, калі законных прычынаў няма, а адмяніць хочацца».
ГЛЯДЗІЦЕ ТАКСАМА: Лідэра гурту «Дай дарогу!» Юрыя Стыльскага вызвалілі з позвай у судЮры Стыльскі адкрыта выказваўся супраць беззаконьня і гвалту сілавікоў, браў удзел у зборных канцэртах падчас агітацыйнай кампаніі альтэрнатыўных кандыдатаў, граў на плошчах і ў дварах. За ўдзел у «несанкцыянаваных акцыях» яго неаднаразова затрымлівалі.