«Цяпер завяршаецца вакцынацыя спэцыялістаў, якія маюць патрэбу ў гэтым у рамках сваёй прафэсійнай дзейнасьці. Што тычыцца ўсіх ахвотных, то пакуль што мы запісваем, лічым ахвотнікаў — іх шмат. Прыступім да вакцынацыі, калі атрымаем сваю вакцыну ў масавай вытворчасьці», — цытуе Дзьмітрыя Піневіча БелаПАН.
Піневіч адзначыў, што ў Беларусь прыйшла партыя з 40 тысяч дозаў другога кампанэнту вакцыны «Спутник V» з Расеі, неўзабаве прыбудзе яшчэ адна партыя ў 100 тысяч дозаў. Раней у Менск даставілі кітайскую вакцыну для вакцынаваньня 50 тысяч чалавек.
Міністэрства аховы здароўя 26 лютага паведамляла, што рэспубліканскае ўнітарнае прадпрыемства «Белмэдпрэпараты» пачало вытворчасьць расейскай вакцыны ад каранавірусу «Спутник V», а пасьля вывучэньня стабільнасьці першых сэрый вакцыны «напрацуюць прамысловыя сэрыі».
Акрамя таго, пачалося тэставаньне тэхналёгіі поўнага цыклю выпуску «Спутник V» на вытворчых магутнасьцях у Беларусі.
У міністэрстве тады ж выказалі ўпэўненасьць, што выпуск вакцыны на «Белмэдпрэпаратах» ня толькі забясьпечыць патрэбы беларусаў, але й дазволіць заняцца яе экспартам у трэція краіны.
ГЛЯДЗІЦЕ ТАКСАМА: Афіцыйная статыстыка COVID-19 у Беларусі дае інфармацыю пра 9 памерлых за дзень. Столькі ж давалі і палову лютага ГЛЯДЗІЦЕ ТАКСАМА: Мэдычныя ўлады ЗША заклікалі амэрыканцаў прышчапляцца любой з зарэгістраваных вакцын ГЛЯДЗІЦЕ ТАКСАМА: Славаччына адмовілася купляць расейскую вакцыну «Спутнік V» ГЛЯДЗІЦЕ ТАКСАМА: Эстонская выведка: Расея спадзяецца на разьяднаньне Захаду з прычыны COVID-19