Гурт «Разьбітае сэрца пацана» ўвечары 13 лютага выступаў на турбазе «Агеньчык» у Смалявіцкім раёне. Падчас канцэрту ў памяшканьне ўварваўся АМАП, пачаў забіраць тэлефоны, а затым затрымаў удзельнікаў. Іх адвезьлі ў Смалявіцкі РАУС, піша тэлеграм-канал «Мотолько помоги».
Затрымалі таксама ўдзельнікаў гурту Дзяніса Тарасенку і Паўла Гарадніцкага, а таксама мэнэджара гурту Настасьсю Доль. Акрамя іх, у пастарунку апынулася сьпявачка Lear. Агульная колькасьць затрыманых сама меней 67 чалавек, паведамляе «Вясна».
Чатырох чалавек адпусьцілі да суду, астатнія затрыманыя да Смалявіцкага РАУС дабіраліся на ўласных аўтамабілях, куды пасадзілі па адным сілавіку. Складаюць пратаколы. Машыны апоўдні 14 лютага яшчэ стаяць каля будынка смалявіцкай міліцыі.
ГЛЯДЗІЦЕ ТАКСАМА: МУС патлумачыла прычыны масавага затрыманьня на канцэрце пад СмалявічаміГурт РСП падтрымаў пратэсты, актыўна граў дваровыя канцэрты, напісаў трэк на злобу дня «Как ашчушчэнія».
Акрамя «РСП», на турбазе ў гэты вечар выступалі калектывы Panska Moc і Ok-Band.
ГЛЯДЗІЦЕ ТАКСАМА: Ад гімна Ўручча да «Неверагоднасьці». Новыя песьні беларускага пратэсту ГЛЯДЗІЦЕ ТАКСАМА: Беларуска Борціч, якая выступала супраць Лукашэнкі, стала гераіняй кліпу гурту System of a Down