Акцыі памяці Рамана Бандарэнкі прайшлі ў розных раёнах Менску: Сокал, Велазавод, плошча Якуба Коласа, Чыжоўка ў рамках флэшмобу #лентавпамятьоРоме.
Невядомыя пабілі і выкралі Рамана Бандарэнку 11 лістапада 2020 году. Пазьней ён памёр ад пабояў у менскім шпіталі хуткай дапамогі. Пракуратура Беларусі ўзяла расьсьледаваньне гэтага выпадку на сябе, але крымінальнай справы так і не завяла.
ГЛЯДЗІЦЕ ТАКСАМА: Маці Рамана Бандарэнкі хоча ўдзельнічаць у судовым працэсе над журналісткай Барысевіч і лекарам СарокінымЗатое завяла справу на журналістку і лекара, якія апублікавалі вынікі экспэртызы, што сьведчаць, што Раман Бандарэнка быў цьвярозы, у той час як Лукашэнка казаў, што ён нібыта быў п’яны.
ГЛЯДЗІЦЕ ТАКСАМА: Суд над журналісткай і лекарам, якія расказалі, што ў крыві Бандарэнкі не было алькаголю, пачнецца 19 лютагаСправу журналісткі Барысевіч і лекара Сарокіна, якія паведамілі, што Раман Бандарэнка быў цьвярозы, перадалі ў суд, працэс пачнецца 19 лютага.
ГЛЯДЗІЦЕ ТАКСАМА: BYPOL правёў сваю праверку сьмерці Рамана Бандарэнкі. Што яна дала новагаШто вядома пра сьмерць Рамана Бандарэнкі
Раман Бандарэнка
- Невядомыя ў масках пачалі зразаць бел-чырвона-белыя стужкі ў двары на вуліцы Чарвякова ўвечары 11 лістапада.
- Пасьля вэрбальнага канфлікту зь мясцовымі жыхарамі невядомыя пачалі нападаць і біць жыхароў. Каля 22:16 некалькі чалавек забралі і зьвезьлі на бусах, падобных да тых, якімі карыстаюцца сілавікі.
- Паводле непацьверджанай інфармацыі, каля 1,5 гадзіны Бандарэнка знаходзіўся ў Цэнтральным РУУС Менску.
- У 0:05 Раман Бандарэнка паступіў у лякарню хуткай мэдычнай дапамогі зь вялікім ацёкам мозгу, закрытай чэрапна-мазгавой траўмай, субдуральнымі гематомамі, ударамі, абдзірынамі.
- Паводле лекараў, ён быў у затарможаным стане, але ў апэрацыйную яго ўжо прывезьлі ў коме. Апэрацыя цягнулася некалькі гадзін.
- Раман быў у крытычным стане.
- ГУУС Менгарвыканкаму сьцьвярджае, што міліцыя прыбыла на месца толькі пасьля здарэньня. Рамана знайшлі непрытомнага і выклікалі хуткую. Адзін са сьведак здарэньня расказаў Свабодзе, што міліцыя прыяжджала яшчэ тады, калі невядомыя зразалі стужкі, «аднак хутка зьехала, нічога не зрабіўшы».
- Сьледчы камітэт заявіў, што мужчына быў пʼяны. Аднак мэдыкі гэтую заяву абверглі — у крыві Бандарэнкі алькаголю не было.
- 19 лістапада затрымалі журналістку Tut.by Кацярыну Барысевіч і лекара Арцёма Сарокіна. Кацярына Барысевіч была аўтаркай артыкула, дзе гаварылася, што ў крыві загінулага Рамана Бандарэнкі не было алькаголю. Інфармацыю пра гэта ёй перадаў лекар Арцём Сарокін. Пачатак суду над імі прызначаны на 19 лютага.
- 18 лютага 2021 году, на соты дзень пасьля сьмерці Рамана, Генпракуратура паведаміла яго маці Алене Бандарэнцы, што па факце сьмерці яе сына пачалі крымінальную справу.
- 17 верасьня 2021 справу прыпынілі«з прычыны неўстанаўленьня асобы, якая падлягае прыцягненьню ў якасьці абвінавачанага».