Выданьне ўтрымлівае гісторыі жыцьця, абраныя творы і архіўныя здымкі беларускіх паэтаў і пісьменьнікаў, якія былі рэпрэсаваныя сталінскім рэжымам.
Кніга выйшла ў выдавецтве «Янушкевіч» і 15 лютага паступае ў продаж, паведамляе ініцыятыва BY_CULTURE.
ГЛЯДЗІЦЕ ТАКСАМА: Музычны праект пра расстраляных літаратараў зьявіўся на iTunes i Google.PlayУ кнізе апавядаецца пра 18 асобаў, сярод іх Цішка Гартны, Вацлаў Ластоўскі, Міхась Чарот, Мойшэ Кульбак, Міхась Зарэцкі. Некаторыя матэрыялы, якія ўтрымліваюцца ў кнізе, публікуюцца ўпершыню. Выданьне — частка агульнага праекту «(Не)расстраляныя», куды ўваходзяць таксама песьні на вершы забітых паэтаў ды курс лекцый. Усяго ў працы над ім было задзейнічана каля шасьцідзесяці чалавек.