Менскі гарадзкі суд 9 лютага разгледзеў апэляцыйную скаргу палітвязьня Антона Лакішыка. 17 лістапада яму прысудзілі 3 гады калёніі за штуршок супрацоўніка АМАПу (арт. 364 Крымінальнага кодэксу) на акцыі 14 ліпеня, паведаміла «Вясна».
Амапавец Яўген Дудкін не атрымаў цялесных пашкоджаньняў і не зьвяртаўся ў мэдычныя ўстановы, але ў справе яго прызналі пацярпелым. Лакішык выплаціў амапаўцу маральную шкоду ў тысячу рублёў і цалкам прызнаў сваю віну.
ГЛЯДЗІЦЕ ТАКСАМА: Менчука асудзілі на тры гады калёніі за напад на амапаўца 14 ліпеняАпэляцыю разглядала судзьдзя Тамара Ўнукевіч. Пракурорка Сакалова пагадзілася з довадамі адвакаткі Кацярыны Пятровіч і прапанавала зьменшыць пакараньне да 2 гадоў. Адвакатка прасіла большага — зьмяніць пакараньне з утрыманьня ў калёніі на арышт ці абмежаваньне волі.
Аднак суд пакінуў прысуд бяз зьменаў. Самога ж Антона Лакішыка на абскарджаньне прысуду не прывезьлі і не падключылі нават праз скайп.
Родныя 21-гадовага Антона маюць намер абскардзіць прысуд у вышэйшых інстанцыях. Палітвязень пакуль утрымліваецца ў СІЗА-1 у камэры з 15 арыштаванымі.
ГЛЯДЗІЦЕ ТАКСАМА: «Патрабавалі, каб міліцыя склала шчыты». У Жлобіне судзяць трох маладзёнаў за «масавыя беспарадкі» ГЛЯДЗІЦЕ ТАКСАМА: «На каленях ляжаў бэчэбэшны сьцяг». Пачалі судзіць гарадзенца, які са сьведкі стаў фігурантам справы аб гвалце над міліцыянтам ГЛЯДЗІЦЕ ТАКСАМА: «Дапаможа нам толькі цуд», — сваякі палітвязьняў зь Пінску, дзе пасьля выбараў пратэстоўцы прымусілі сілавікоў адступіць