Ад серады адміністрацыя жодзінскай турмы спыняе прыём перадач для адміністрацыйна затрыманых.
Раней быў вызначаны адмысловы дзень дзеля перадач — серада, піша канал «Списки задержанных».
Выключэньне ў перадачах складаюць арыштанты, якім неабходныя жыцьцёва важныя лекі. Прэпараты можна перадаць у любы будні дзень, да іх абавязковая наяўнасьць эпікрызу.
Адміністрацыя жодзінскай турмы ніяк не пракамэнтавала адмову прымаць перадачы зьняволеным. Раней улады тлумачылі ўсе абмежаваньні па перадачах у ізалятар ці па колькасьці чалавек у судовых залях «захадамі па прадухіленьні каранавірусу».
Ужо больш як тры тыдні не прымаюць перадачы і ў турме на Акрэсьціна ў Менску.
ГЛЯДЗІЦЕ ТАКСАМА: У турме на Акрэсьціна трэці тыдзень не прымаюць перадачы для зьняволеных ГЛЯДЗІЦЕ ТАКСАМА: «Перадачы для „нашых“». Рэпартаж з-пад сьценаў ізалятараў у Баранавічах