Дамадзедаўскі суд Масквы на два месяцы арыштаваў беларускага байца-цяжкавагавіка Аляксея Кудзіна. Пра гэта паведамляе Tut.by са спасылкай на журналіста Аляксандра Люцікава.
Кудзіна затрымалі 21 студзеня ў Маскве на запыт беларускіх уладаў. Чакаецца, што да 1 сакавіка будзе вырашанае пытаньне аб экстрадыцыі Кудзіна ў Беларусь.
Нагадаем, Кудзіна затрымалі на акцыі пратэсту недалёка ад маладачанскага гарадзкога парку 10 жніўня. Адпусьцілі 21 жніўня, узбудзіўшы ў дачыненьні да яго крымінальную справу і абраўшы меру стрыманьня ў выглядзе хатняга арышту.
ГЛЯДЗІЦЕ ТАКСАМА: «Браў спэцназ ФСБ». Віталь Гуркоў расказаў, як у Маскве затрымлівалі Аляксея КудзінаБольш за 300 спартоўцаў папрасілі не дапусьціць экстрадыцыі шматразовага чэмпіёна сьвету ў кікбоксінгу і тайскім боксе Аляксея Кудзіна з Расеі ў Беларусь.