«Мы ганарымся, што 28 гадоў ёсьць партнэрамі чэмпіянатаў сьвету Міжнароднай фэдэрацыі хакею. Але мы таксама паважаем і прапагандуем усе правы чалавека. Таму Škoda адмовіцца ад спансаваньня чэмпіянату сьвету IIHF — 2021, калі Беларусь пацьвердзяць як суарганізатара гэтага турніру». Такое паведамленьне зьявілася ў «Твітэры» Škoda.
Знаны вытворца аўтамабіляў Škoda — галоўны спонсар чэампіянатаў сьвету па хакеі.
We%27ve been a proud partner to the @IIHFHockey World Championship for 28 years. But we also respect & promote all human rights. Therefore, #SKODA will withdraw from sponsoring the 2021 IIHF Ice Hockey World Championship if #Belarus is confirmed to be co-hosting the event. pic.twitter.com/fC3ZMbY2cG
— ŠKODA AUTO NEWS (@skodaautonews) January 16, 2021
15 студзеня з падобнай заявай выступіў яшчэ адзін спонсар хакейнага чэмпіянату — вытворца касмэтыкі Nivea.
«NIVEA MEN выступае за павагу, таварыскасьць і выступае супраць любых формаў дыскрымінацыі і гвалту. Зважаючы на цяперашнюю сытуацыю, мы вырашылі, што NIVEA MEN ня будзе спансаваць Чэмпіянат сьвету па хакеі — 2021, калі Беларусь пацьвердзяць як суарганізатара. Мы ўжо паведамілі Міжнароднай хакейнай фэдэрацыі пра нашае рашэньне і будзем пільна сачыць за абмеркаваньнямі». Такі камэнтар Nivea зьявіўся ў «Інстаграме».
ГЛЯДЗІЦЕ ТАКСАМА: Прэс-сакратар заводу Škoda выйшаў з тэрмасам да пікету беларусаў і падтрымаў іх пратэст ГЛЯДЗІЦЕ ТАКСАМА: Рэнэ Фазэль пра магчымасьць чэмпіянату сьвету па хакеі ў Беларусі: «Павінен здарыцца цуд»