Філарэт (Кірыл Вахрамееў) больш за 20 гадоў кіраваў Беларускай праваслаўнай царквой. Труну зь целам занесьлі ў храм салдаты роты ганаровай варты.
У ліку тых, хто прыйшоў разьвітацца, і цяперашні кіраўнік БПЦ мітрапаліт Веньямін.
Раніцай 14 студзеня ў саборы пачнецца архірэйская літургія, а пасьля адбудзецца адпяваньне ганаровага патрыяршага экзарха Беларусі.
ГЛЯДЗІЦЕ ТАКСАМА: Герой Беларусі, казаў «служу Расеі!», разбудаваў БПЦ. Чым яшчэ запомніўся мітрапаліт ФіларэтАдтуль нябожчыка перавязуць ва Ўсьпенскі сабор Жыровіцкага мужчынскага манастыра. Там 15 студзеня пройдзе саборная архірэйская літургія і паніхіда. Мітрапаліт Філарэт будзе пахаваны за Крыжаўзьвіжанскім храмам Жыровіцкага манастыра.
Ганаровы Патрыяршы экзарх усяе Беларусі памёр 12 студзеня. Яму было 85 гадоў, ён хварэў на каранавірус.
Мітрапаліт Філарэт (Кірыл Вахрамееў) нарадзіўся 21 сакавіка 1935 году ў Маскве, у сям’і службоўцаў. Скончыў Маскоўскую духоўную сэмінарыю і духоўную акадэмію са ступеньню кандыдата багаслоўя. У 1959-м быў пастрыжаны ў манаства.
У 1978 годзе яго прызначылі мітрапалітам Менскім і Беларускім, а таксама Патрыяршым экзархам Заходняй Эўропы, а ў 1992-м, калі Беларусь стала незалежнай, — мітрапалітам Менскім і Слуцкім, Патрыяршым экзархам усяе Беларусі.