Іх падлікі, як адзначае агенцтва DPA, грунтуюцца на спадарожнікавых здымках, якія рабіліся з 2004 па 2018 год больш як у 20 пунктах Зямлі. Найбольшая шкода нанесена джунглям у басэйне Амазонкі — у Бразыліі, Калюмбіі, Пэру, Балівіі, Вэнэсуэле і Гаяне. Там зьнішчана больш за 18 мільёнаў гектараў лясоў — гэта, для параўнаньня, прыблізна палова тэрыторыі Нямеччыны.
At least 43 million hectares of tropical rainforest have been destroyed since 2004, according to calculations made by the World Wide Fund for Nature (WWF)https://t.co/HeE8v1zpzF
— dpa news agency (@dpa_intl) January 13, 2021
Іншыя рэгіёны, якія выклікаюць асьцярогі эколягаў, разьмешчаныя на астравах Калімантан, Суматра, Мадагаскар, а таксама ў Парагваі і Аргентыне. Каля паловы вільготных лясоў там значна падзеленыя дарогамі або сельгасугодзьдзямі, што робіць іх больш уразьлівымі для засух і пажараў.
«Лясы часта высякаюцца для вытворчасьці соі, какавы, ялавічыны, якія ідуць на экспарт. Прыкладна шостая частка прадуктаў, якія прадаюцца ў ЭЗ, спрыяе высяканьню лясоў у тропіках», — адзначаюць сярод іншага экспэрты.
С'юзэн Вінтэр, супрацоўніца нямецкага аддзяленьня Фонду дзікай прыроды, назвала вільготныя лясы «крыніцай здароўя для прыроды і чалавецтва». Паводле яе слоў, калі ня ўдасца спыніць іх зьнішчэньне, то спыніцца «само жыцьцё ў тым выглядзе, у якім мы яго ведаем».
ГЛЯДЗІЦЕ ТАКСАМА: Фінляндыя распрацоўвае вакцыну супраць COVID-19 для норак і янотаў