Найбольшая страта золатавалютных рэзэрваў адбылася ў жніўні ў час прэзыдэнцкіх выбараў і першых пратэстаў. Улады дапускаюць далейшае зьніжэньне аб’ёму рэзэрваў да канца 2021 году яшчэ на 1,5 млрд даляраў.
Золатавалютныя рэзэрвы Беларусі на 1 студзеня 2021 году склалі $ 7 млрд 468,5 млн у эквіваленце і за год скараціліся на $ 1,9 млрд.
У Нацбанку адзначылі, што гэта ў межах прагнозу.
За год рэзэрвы зьнізіліся на 20,5% (з $ 9,4 млрд даляраў).
Нацбанк назваў прычыны зьніжэньня:
- выплата запазычнасьцяў на суму каля за $ 3,9 млрд,
- продаж Нацыянальным банкам валюты на таргах.
Найбольш ЗВР страцілі ў сакавіку ($ 1018,4 млн) і жніўні ($ 1399,8 млн) — на піках дэвальвацыйных чаканьняў, выкліканых пандэміяй і палітычным крызісам.
У 2021 годзе рэзэрвы прагназуюць далейшае скарачэньне рэзэрваў да $ 6 млрд.
ГЛЯДЗІЦЕ ТАКСАМА: «Чакаецца анэмічны рост». Расейскія экспэрты пра рызыкі для эканомікі Беларусі ў 2021 годзе