Пасьля таго, як паб не працаваў у дзень сканчэньня ўльтыматуму Ціханоўскай, да іх прыйшлі праверкі. 11 студзеня «Торвальд» вымушаны закрыцца.
«Раптоўна ў памяшканьнях, якія мы займаем і якія існуюць ужо больш за 150 гадоў, выявіліся надзвычай сур’ёзныя недахопы: прыступкі занадта высокія, а калідоры — неймаверна вузкія. Гэтыя недасканаласьці разам з адмысловымі службамі, што вельмі клапоцяцца аб нашай з вамі бясьпецы, вымушаюць нас прыпыніць сваю дзейнасьць», — паведаміў «Торвальд».
Перад закрыцьцём гаспадары арт-паба заклікалі «разабраць „Торвальд“ на сувэніры» — купіць што заўгодна з начыньня, аздабленьня і інтэрʼеру памяшканьня.
Заснавальнік «Торвальда» Віталь Броўка
«Торвальд» адкрыўся на гістарычнай вуліцы Віцебску ў 2016 годзе і хутка стаў нефармальным цэнтрам беларускага культурнага жыцьця ў Віцебску.
Тут гатавалі нацыянальныя стравы і напоі, гасьцей абслугоўвалі па-беларуску. Праводзілі канцэрты і творчыя сустрэчы, фэст вышыванкі і курсы «Мова нанова».
ГЛЯДЗІЦЕ ТАКСАМА: «Скаціцца» па карʼернай лесьвіцы і выйграць. Як сталічны выкладчык перакваліфікаваўся ў правінцыйныя бармэныУ маразы 2017 году наведнікаў частавалі бясплатнай гарбатай.
Вясной 2020-га гатавалі і адвозілі мэдыкам гарачыя абеды.
ГЛЯДЗІЦЕ ТАКСАМА: «Смачна есьці!» Як віцебскі арт-паб «Торвальд» гатуе для мэдыкаў беларускія нацыянальныя стравы. ФОТА ГЛЯДЗІЦЕ ТАКСАМА: «Мы ўсё зрабілі правільна». Гаспадары горадзенскага бару пра закрыцьцё пасьля страйку. ВІДЭА ГЛЯДЗІЦЕ ТАКСАМА: Краму нацыянальнай атрыбутыкі ў Воршы пазбаўляюць памяшканьня. Уладальнік: «Гэта палітычна матываваны ціск» ГЛЯДЗІЦЕ ТАКСАМА: Кавярня, дзе падчас акцыі сілавікі разьбілі шкляныя дзьверы, зачыняецца