«Бізнэс усё часьцей задумваецца пра тое, каб зьехаць з краіны, — сказаў экспэрт „Голасу Амэрыкі“ . — Прычым гаворка ня толькі пра малых прадпрымальнікаў і IT-сэктар, а таксама пра кіраўніцтва буйных прадпрыемстваў. Калі людзі ўсё яшчэ знаходзяцца ў посттраўматычным шоку, рашэньні прымаюцца асабліва эмацыйныя. Таму уявіць, што атрымаецца выйсьці з крызісу шляхам дыялёгу ўлады і грамадзтва, немагчыма».
ГЛЯДЗІЦЕ ТАКСАМА: «Сытуацыя патавая». Эканаміст Раманчук пра 100-мільярдную запазычанасьць дзяржаўнага сэктаруПачатку дыялёгу, на думку суразмоўцы, павінны папярэднічаць абсалютна відавочныя дзеяньні з боку беларускай улады: вызваленьне палітвязьняў, аднаўленьне элемэнтарнай законнасьці, пакараньне вінаватых у рэпрэсіях. Калі ж Лукашэнка правядзе анансаваны Ўсебеларускі народны сход у тым жа духу, як і пяць папярэдніх, ніякага толку ня будзе, перакананы Яраслаў Раманчук
«Калі ён працягне сьцьвярджаць, што пратэстоўцы мярзотнікі, алькаголікі, дармаеды і трэба іх душыць, ну тады вясной атрымаем новы выбух пратэставага супрацьстаяньня, які пагоршыцца яшчэ і станам эканомікі, — кажа эканаміст. — На ўзроўні прадпрыемстваў сьпее незадаволенасьць, зьвязаная ня толькі з гуманітарнымі аспэктамі, але і непасрэдна з эканамічнымі — заробкам, сацыялкай, пэнсійным забесьпячэннем, цэнамі».
ГЛЯДЗІЦЕ ТАКСАМА: Налета вырастуць падаткі для ІТ, прадпрымальнікаў, рамесьнікаў. Што гэта значыць для эканомікіВырашыць гэты комплекс праблем самастойна, без удзелу бізнэсу і грамадзтва, уладам папросту немагчыма, вывеў Яраслаў Раманчук.