Папа Рымскі Францішак сёлета не ўзначаліць сьвяточныя набажэнствы напярэдадні Новага году і 1 студзеня ў сувязі з болем у правай назе.
Пра гэта паведамляе «Голас Амэрыкі», спасылаючыся на прэс-службу Ватыкану.
З часу, як Францішак стаў пантыфікам у 2013 годзе, гэта першы выпадак, калі ён прапускае такое мерапрыемства праз стан здароўя. У гэтым месяцы Папу Францішку споўнілася 84 гады.
ГЛЯДЗІЦЕ ТАКСАМА: Папа Рымскі заклікаў забясьпечыць вакцынамі і лячэньнем усіх людзейВечаровую службу замест папы рымскага правядзе кардынал Джавані Батыста Рэ, а імшу 1 студзеня, прысьвечаную Ўсясьветнаму дню міру, будзе служыць кардынал П’етра Паралін, дзяржаўны сакратар Сьвятога Прастолу.
Папа Францішак пакутуе на ішыялгію — захворваньне, пры якім боль распаўсюджваецца ад ніжняй часткі сьпіны ўздоўж сядалішчнага нэрву да ніжняй часткі цела. Праз гэта ў яго пэрыядычныя цяжкасьці з хадою. Пантыфік рэгулярна праходзіць фізіятэрапію.
ГЛЯДЗІЦЕ ТАКСАМА: Пасланьнік Папы Рымскага перадаў Лукашэнку «трывогу і заклапочанасьць» пантыфіка падзеямі ў Беларусі ГЛЯДЗІЦЕ ТАКСАМА: Арцыбіскуп Кандрусевіч пра вяртаньне ў Беларусь: «Пацалаваў зямлю. Гэта мая зямля!» ВІДЭА