Пра заклік да ўладаў Расеі спыніць акупацыю ўкраінскага паўвострава і прызыў яго жыхароў ва Ўзброеныя сілы РФ гаворыцца ў рэзалюцыі па праблеме мілітарызацыі анэксаванага Крыму.
У ходзе 75-й сэсіі Генэральнай асамблеі ААН 7 сьнежня была прынятая рэзалюцыя па праблеме мілітарызацыі Крыму і Севастопаля, а таксама акваторыі Чорнага і Азоўскага мораў.
Як піша «Нямецкая хваля», за дакумэнт прагаласавалі 63 краіны, 17 выступілі супраць (сярод іх і Беларусь), яшчэ 62 дзяржавы ўстрымаліся.
У рэзалюцыі заклікалі Расею «неадкладна, цалкам і без вылучэньня ўмоваў вывесьці свае ўзброеныя сілы з Крыму і неадкладна спыніць часовую акупацыю ўкраінскай тэрыторыі.
Акрамя таго краіны, якія падтрымалі дакумэнт, лічаць, што Расеі трэба таксама спыніць прызыў жыхароў Крыму ў свае Ўзброеныя сілы ў парушэньне міжнароднага гуманітарнага права, а таксама «мілітарызацыю» адукацыі.
ГЛЯДЗІЦЕ ТАКСАМА: Былы беларускі чыноўнік пракамэнтаваў сваё звальненьне з адміністрацыі гораду ў анэксаваным Расеяй Крыме