Маскоўскі суд Менску прысудзіў карэспандэнтцы БелаПАН Юліі Коцкай 8 сутак арышту за нібыта ўдзел у нядзельнай акцыі пратэсту 15 лістапада, якую яна асьвятляла.
Працэс вяла судзьдзя Лідзія Целіца.
15 лістапада Юлія Коцкая разам з калегамі Андрэем Шаўлюгам і Андрэем Рабчыкам рыхтавалася асьвятляць пратэставы марш у раёне станцыі мэтро «Пушкінская», знаходзячыся ў гатэлі «Арбіта» на праспэкце Пушкіна. З 11.30 да 12.00 ніякіх падзей у тым раёне не было, апроч затрыманьняў супрацоўнікамі ў чорным асобных прахожых, расказала ў судзе Коцкая.
Юлія Коцкая ў судзе пасьля абвешчаньня выраку
Адвакат Максім Конан прадставіў судзьдзі копію дамовы з гатэлем «Арбіта», рэдакцыйныя заданьне і пасьведчаньне ад агенцтва БелаПАН, фатаздымкі, апублікаваныя агенцтвам БелаПАН, зробленыя Андрэем Шаўлюгам да затрыманьня.
Паводле пратаколу, Коцкая нібыта прыняла ўдзел у пікетаваньні «ў групе грамадзян» па праспэкце Пушкіна, 39 у 12.30 «з мэтай выказваньня нязгоды зь дзейнай уладай». Юлія Коцкая віны не прызнала.
ГЛЯДЗІЦЕ ТАКСАМА: Фотакарэспандэнта БелаПАН Андрэя Шаўлюгу арыштавалі на 15 сутак за «ўдзел» у акцыі пратэсту, якую ён асьвятляўЖурналістка расказала, што яе затрымалі ў нумары гатэля «Арбіта», дзе яна пражывала з 14 лістапада. З гэтага нумару яна разам з калегамі вяла фота- і відэафіксацыю таго, што адбывалася на вуліцы, выконваючы свае абавязкі журналіста.
ГЛЯДЗІЦЕ ТАКСАМА: Журналісту Андрэю Рабчыку прысудзілі 15 сутак арыштуЖурналістка падкрэсьліла, што на момант затрыманьня ніякіх масавых мерапрыемстваў на праспэкце Пушкіна яшчэ не было — толькі паасобныя затрыманьні.
Паводле Коцкай, у 12.30 у нумар зайшлі тры чалавекі ў спартовых касьцюмах і масках, назваліся міліцыяй. Яны загадалі скласьці ўсю тэхніку на ложак, абшукалі. Пасьля яны вывелі затрыманых праз чорны ход гатэля і перадалі іх супрацоўнікам АМАПу. Тыя даставілі Коцкую, Шаўлюгу і Рабчыка ў РУУС Маскоўскага раёну.
Там Коцкая ўказала, што нязгодная са складзеным на яе пратаколам па адміністрацыйным артыкуле 23.34 (парушэньне парадку правядзеньня і арганізацыі масавых мерапрыемстваў). Яе адпусьцілі ў ноч з 15 на 16 лістапада.
ГЛЯДЗІЦЕ ТАКСАМА: Затрыманага ў нядзелю журналіста Ігара Карнея арыштавалі на 10 дзёнСьведка са зьмененым прозьвішчам Іваноў Іван Іванавіч, супрацоўнік міліцыі, расказаў у судзе, што нёс службу ў раёне праспэкту Пушкіна 15 лістапада, дзе ў раёне 11.00 нібыта адбывалася пікетаваньне зь незарэгістраванай сымболікай.
Ён сказаў, што зьмена прозьвішча зьвязаная зь «бясьпекай».
Паводле міліцыянта, ён запомніў Коцкую дзякуючы сваёй «фатапамяці», але пры гэтым ня змог ацаніць колькасьць удзельнікаў «несанкцыянаванага пікетаваньня» ў раёне затрыманьня і ня памятаў, чым канкрэтна займалася Коцкая ў той час. Ён заявіў, што ня ўдзельнічаў у затрыманьні, але быў яго сьведкам. Пры гэтым ён ня памятаў абсалютна ніякіх дэталяў затрыманьня. «Кожны дзень адбываюцца затрыманьні», — паўтараў ён.
Міліцыянт таксама ня змог назваць, хто з калегаў апытваў яго як сьведку ў Маскоўскім РУУС.
ГЛЯДЗІЦЕ ТАКСАМА: Журналіста Максіма Лаўрэцкага арыштавалі на 15 сутак. Міліцыянт сьведчыў зь «мяшком» на галавеАндрэю Шаўлюгу і Андрэю Рабчыку прысудзілі па 15 сутак арышту кожнаму за нібыта ўдзел у несанкцыянаванай акцыі.
ГЛЯДЗІЦЕ ТАКСАМА: Журналіста Алега Грузьдзіловіча асудзілі на 15 сутак за «ўдзел» у акцыі пратэстуЦяпер за кратамі два дзясяткі журналістаў, якіх затрымалі пры выкананьні іх прафэсійных абавязкаў.
ГЛЯДЗІЦЕ ТАКСАМА: За кратамі, бо журналістыКоцкую ўзялі пад варту супрацоўнікі Маскоўскага РУУС ў залі суду.