Абодва бакі канфлікту ў Нагорным Карабаху 11 кастрычніка абвінавацілі адзін аднаго ў парушэньнях замірэньня, пра якое дамовіліся ў ноч на 10 кастрычніка на перамовах у Маскве кіраўнікі МЗС Азэрбайджану і Армэніі.
Азэрбайджан абвінаваціў Армэнію ў ракетным удары па жылым раёне гораду Гянджа. Паводле азэрбайджанскіх уладаў, загінулі 9 мірных жыхароў, больш за 30 параненыя. Карэспандэнты замежных СМІ пацьвярджаюць факт разбурэньняў у горадзе і наяўнасьць ахвяраў, але ня могуць пацьвердзіць іх лік.
Damage spread over a wide area in #Ganga #Azerbaijan in and around the city centre. Azerbaijan claims this attack came from #Armenia not forces in dispute enclave #NagornoKarabakh. Conflict appears to be escalating to a dangerous new phase. pic.twitter.com/8rpe4n4364
— Orla Guerin (@OrlaGuerin) October 11, 2020
Прэзыдэнт Азэрбайджану Ільхам Аліеў заявіў, што ўдар нанесены з тэрыторыі Армэніі, ацаніў яго як ваеннае злачынства, а таксама кваліфікаваў тое, што здарылася, як «непавагу да перамоваў, праведзеных пры пасярэдніцтве Расеі». МЗС і Міністэрства абароны Армэніі назвалі заявы азэрбайджанскага боку «абсалютнай хлусьнёй» і ў сваю чаргу абвінавацілі Азэрбайджан у абстрэлах Стэпанакерту і іншых паселішчаў падкантрольнай армянскім сілам самаабвешчанай Нагорна-Карабаскай рэспублікі. Сьцьвярджаецца, што там загінулі ня менш за 5 мірных жыхароў.
ГЛЯДЗІЦЕ ТАКСАМА: Стэпанакерт абстралялі ракетамі, Азэрбайджан паведамляе пра 9 забітых у ГянджыКіраўнік замежнапалітычнага ведамства Эўразьвязу Жузэп Бурэль заклікаў абодва бакі трымацца пагадненьня аб замірэньні.
Падпісанае ў Маскве міністрамі замежных справаў абедзьвюх краін пагадненьне фармальна пачало дзейнічаць 10 кастрычніка. Яго мэтамі названы абмен палоннымі і целамі забітых, аднак яго тэрмін ня вызначаны. Акрамя таго, бакі ў Маскве пагадзіліся аднавіць «субстантыўныя» перамовы аб урэгуляваньні канфлікту пад эгідай Менскай групы АБСЭ, аднак калі такія перамовы могуць адбыцца — незразумела.
ГЛЯДЗІЦЕ ТАКСАМА: Азэрбайджан і Армэнія дамовіліся пра замірэньне ў Нагорным Карабаху. І пасьля гэтага заявілі пра абстрэлыКанфлікт у Нагорным Карабаху працягваецца з 1988 году, калі органы ўлады Нагорна-Карабаскай аўтаномнай вобласьці, населенай пераважна армянамі, запатрабавалі перадаць яе з складу Азэрбайджанскай ССР у Армянскую ССР. Поўнамаштабны ўзброены канфлікт пачаўся пасьля распаду СССР. У выніку баявых дзеяньняў 1991–1994 году Азэрбайджан пазбавіўся кантролю над большай часткай Нагорнага Карабаху і некалькімі суседнімі раёнамі. Незалежнасьць самаабвешчанай Нагорна-Карабаскай рэспублікі, аднак, не прызнала ніводная дзяржава.