«Мы паважаем выбар, які зрабіў народ Беларусі», — заявіў у чацьвер на брыфінгу афіцыйны прадстаўнік МЗС КНР Ван Вэньбінь, камэнтуючы цырымонію з удзелам Аляксандра Лукашэнкі, якая адбылася ў сераду, перадае ТАСС.
«Мы спадзяёмся і верым, што пад кіраўніцтвам Лукашэнкі Беларусь зможа аднавіць палітычную стабільнасьць», — сказаў ён.
ГЛЯДЗІЦЕ ТАКСАМА: Эўразьвяз заявіў, што не прызнае Лукашэнку легітымным прэзыдэнтам Беларусі і чакае новых выбараўДыплямат таксама зьвярнуў увагу на тое, што «Кітай рашуча падтрымлівае намаганьні Беларусі ў адстойваньні нацыянальнай бясьпекі, сувэрэнітэту і разьвіцьця». Паводле яго, КНР «выступае рашуча супраць таго, каб вонкавыя сілы стваралі раскол і хваляваньні ў беларускім грамадзтве».