Кіраўнік МЗС ФРГ Гайка Маас зноў папярэдзіў Аляксандра Лукашэнку ў сувязі з паведамленьнямі аб падаўленьні пратэстаў у Беларусі.
«Калі Лукашэнка ня зьменіць свой курс, мы будзем рэагаваць», — напісаў нямецкі міністар у сваім твітэры.
Паводле яго, Эўразьвяз «актыўна працуе над пакетам санкцыяў» і занепакоены лёсам апазыцыянэркі Марыі Калесьнікавай.
«Мы вельмі турбуемся за спадарыню Калесьнікаву. На апазыцыю, гатовую да дыялёгу, накочваюцца адна за адной хвалі рэпрэсіяў, гэта непрымальна», — адзначыў Маас.
ГЛЯДЗІЦЕ ТАКСАМА: Марыю Калесьнікаву невядомыя выкралі ў цэнтры Менску. Зьнікла сувязь з двума яе паплечнікамі«Сур'ёзна занепакоены сытуацыяй з Марыяй Калесьнікавай», – заявіў Дамінік Рааб, міністар замежных спраў Вялікай Брытаніі.
«Рэжым Лукашэнкі павінен зрабіць яе бясьпечнае вяртаньне сваім галоўным прыярытэтам. Рэжым павінен спыніць жорсткае абыходжаньне з дэманстрантамі, вызваліць палітвязьняў і пачаць дыялёг з апазыцыяй», — сказаў ён.
ГЛЯДЗІЦЕ ТАКСАМА: Улады Беларусі шукаюць «зьнешнюю пагрозу», каб расправіцца з пратэстоўцамі, — кіраўнік МЗС ЛітвыУ панядзелак раніцай СМІ са спасылкай на відавочцаў паведамілі, што «Калесьнікаву раніцай 7 верасьня каля Нацыянальнага мастацкага музэю невядомыя людзі пасадзілі ў мікрааўтобус з надпісам „Сувязь“ і павезьлі ў невядомым кірунку». Член прэзыдыюму Каардынацыйнай рады Павал Латушка, у сваю чаргу, паведаміў Інтэрфаксу, што Калесьнікава, магчыма, затрыманая.
У сваю чаргу, у ГУУС Менгарвыканкаму Інтэрфаксу заявілі, што «менская міліцыя не затрымлівала» Калесьнікаву. У МУС Беларусі таксама адказалі, што не валодаюць інфармацыяй аб яе затрыманьні.