Беларуская праваслаўная царква заклікала духавенства ўстрымацца ад удзелу ў палітычным жыцьці, а паству — не паддавацца на правакацыі.
Падзеі апошніх дзён выклікаюць трывогу і сур’ёзную асьцярогу за далейшае захаваньне міру і ўзаемаразуменьня ў грамадзкім жыцьці Айчыны, заявіла Беларуская праваслаўная царква, падкрэсьліўшы, што ня можа застацца ў баку ад таго, што адбываецца, гаворыцца ў тлумачэньні Сінадальнага аддзелу стасункаў Царквы і грамадзтва.
ГЛЯДЗІЦЕ ТАКСАМА: «Хто праявіў зьверства і жорсткасьць — аддаць законнаму суду». Зварот Сыноду БПЦ«Мы нагадваем сьвятарам пра абяцаньне, дадзенае перад Богам, ня браць удзелу ў палітычным жыцьці грамадзтва, каб ня быць спакусай і прадметам падзелу людзей», — папярэджваюць аўтары.
Адзначаецца, што Праваслаўная царква лічыць непрымальным заклік да ўдзелу ці няўдзелу ў палітычных акцыях і рашуча асуджае ўсе віды гвалту, распальваньня нянавісьці і нецярпімасьці ў любы бок — няхай гэта лекары, міліцыя, пэдагогі, прадстаўнікі ўлады ці іншыя сацыяльныя групы.
ГЛЯДЗІЦЕ ТАКСАМА: Мітрапаліт Павел наведаў у лякарні пацярпелых падчас пратэставых акцыйПры гэтым у дакумэнце выказваецца надзея на расьсьледаваньне кампэтэнтнымі органамі ўсіх абуральных выпадкаў жорсткасьці і зьмяшчаецца заклік да хутчэйшага аднаўленьня міру, адзінства і ўзаемаразуменьня.