На Юрыя Ўласава і Тацяну Канеўскую — давераных асобаў Сьвятланы Ціханоўскай з Гомля — завялі крымінальныя справы.
Юры Ўласаў быў затрыманы перад выбарамі і зьмешчаны ў ІЧУ. Потым стала вядома, што яго перавялі ў СІЗА на Валадарскага ў Менску, на яго заведзена крымінальная справа «за масавыя беспарадкі» паводле артыкула 293 Крымінальнага кодэксу.
ГЛЯДЗІЦЕ ТАКСАМА: «Шукайце труп!» 18 міліцыянтаў і АМАП удзельнічалі ў ператрусе ў даверанай асобы Сьвятланы ЦіханоўскайТацяну Канеўскую затрымалі перад выбарамі, яе судзілі паводле адміністрацыйнага артыкула за дробнае хуліганства і адпусьцілі з суду, бо яна мае непаўналетняе дзіця.
Але як толькі Канеўская пайшла да канвойных забіраць свае рэчы, тут жа зьнікла. Выявілася, што яе зноў схапілі і пасадзілі ў ІЧУ. Цяпер яе перавялі ў Менск. Пакуль невядома, паводле якога крымінальнага артыкула распачата справа.