Юрыя Навіцкага, былога чальца ініцыятыўнай групы для вылучэньня кандыдатам у прэзыдэнты Віктара Бабарыкі, затрымалі 30 ліпеня ў Ганцавічах, піша «Ганцавіцкі час». Мужчына паведаміў выданьню, што 30 ліпеня ў яго дома пачалі ператрус.
Маці Юрыя Навіцкага расказала, што за апошні час яго неаднаразова правяралі супрацоўнікі міліцыі, раніцай перад затрыманьнем яго «запрашалі на гутарку» ў РАУС. Яна кажа, што падчас ператрусу міліцыянты «доўга шукалі нешта ў тэлефоне» яе сына, затым правяралі штосьці ў хляве.
Прычына затрыманьня невядомая, кіраўніцтва РАУС не адказвае на тэлефанаваньне. Суд чакаецца 31 ліпеня. На думку маці, Юрыя Навіцкага могуць падазраваць у нанясеньні надпісу на кіёск «Табакерка».
ГЛЯДЗІЦЕ ТАКСАМА: Міліцыя агледзела жытло чальцоў ініцыятыўнай групы Бабарыкі ў Ваўкавыску, завялі адміністрацыйную справу ГЛЯДЗІЦЕ ТАКСАМА: «Міліцыянт, які сьведчыў супраць мяне, жыве побач». Што адбываецца ў Ганцавічах пасьля жорсткага разгону першай у гісторыі палітычнай акцыі