Кіраўнік праваслаўнай царквы Сусьветны патрыярх Варфаламей загадаў усім цэрквам і манастырам Канстантынопальскага патрыярхату спыніць з прычыны эпідэміі каранавірусу ўсе службы і абрады прынамсі да канца сакавіка.
Заява Сусьветнага патрыярхату была распаўсюджана раніцай 19 сакавіка, калі ў сьвеце было зарэгістравана больш за 218 тысяч выпадкаў заражэньня COVID-19 і больш за 8800 сьмерцяў.
Пандэмія каранавірусу ў Беларусі і ў сьвеце. Як разьвіваюцца падзеі
Патрыярх заклікаў праваслаўных вернікаў абмежаваць вандроўкі і заставацца ў дамах — для ўласнай бясьпекі і абароны насельніцтва. Манастыры, як вынікае з распараджэньня, будуць праводзіць рэгулярныя рэлігійныя службы для сваіх манаскіх супольнасьцяў, але не дапускаючы на іх іншых паломнікаў і наведнікаў.
ГЛЯДЗІЦЕ ТАКСАМА: Шэсьць сьвятароў у адным італьянскім горадзе памерлі ад каранавірусуРПЦ, часткай якой зьяўляецца і Беларуская праваслаўная царква, разарвала раней адносіны з Канстантынопалем. Масква пакуль не абвяшчала аб адмене набажэнстваў, але рэкамэндавала сьвятарам больш не падаваць парафіянам для пацалункаў крыжы, чашы для прычашчэньня і рукі.