Калегія Эўразійскай эканамічнай камісіі падтрымала праект рашэньня аб вызначэньні нулявой стаўкі ўвазнога мыта на электрамабілі да канца 2020 году, вынікае з прэс-рэлізу арганізацыі.
«Гэты захад будзе распаўсюджвацца ў тым ліку на тавары, якія перамяшчаюцца цераз мытную мяжу фізычнымі асобамі», — удакладняецца ў паведамленьні.
Эўразійская эканамічная камісія — наднацыянальны орган рэгуляваньня Эўразійскага эканамічнага саюзу (ЭАЭС), раней — Мытнага саюзу і Адзінай эканамічнай прасторы.
ГЛЯДЗІЦЕ ТАКСАМА: Чаму электрамабіль у Беларусі экзотыка? Пытаньні аўтааматараў і адказы ўладаўСтаршыня калегіі Міхаіл Мясьніковіч лічыць, што такія захады будуць спрыяць фармаваньню на тэрыторыі Эўразійскага эканамічнага саюзу рынку электрамабіляў, разьвіцьцю іх вытворчасьці і зараднай інфраструктуры. Канчатковае рашэньне мусіць прыняць Савет Эўразійскай эканамічнай камісіі.
Нулявая стаўка ўвазнога мыта на электрамабілі ўжо дзейнічала ад верасьня 2016 году да жніўня 2017-га. За гэты час імпарт у Беларусь павялічыўся ў фізычным вымярэньні ў 4 разы, у вартасным — у 8 разоў. Нягледзячы на гэта, пад ціскам расейскіх вытворцаў аўта з рухавікамі ўнутранага згараньня гэтая палёгка была скасаваная. Цяпер на тэрыторыі ЭАЭС ў дачыненьні да транспартных сродкаў з электрарухавікамі дзейнічае стаўка сукупнай мытнай платы: 15% мыта плюс 20% ПДВ.
ГЛЯДЗІЦЕ ТАКСАМА: Расея не дазволіла Беларусі абнуліць мыта на электрамабіліУ прэс-рэлізе адзначаецца, што ад 2018 году ў рамках ЭАЭС дзейнічае плян стымуляваньня вытворчасьці і карыстаньня транспартнымі сродкамі з электрычнымі рухавікамі да 2020 году. Прадугледжваліся, у прыватнасьці, гранты на распрацоўку электрамабіляў і зьніжэньне ставак увазнога мыта на на камплектныя і базавыя кампанэнты, а таксама зарадную і сэрвісную інфраструктуру.
ГЛЯДЗІЦЕ ТАКСАМА: Беларускі электрамабіль каштавацьме ўдвая даражэй за Geely, праедзе 100 км без падзарадкіУ Беларусі спрабавалі наладзіць выпуск электрамабіляў на базе беларуска-кітайскага прадпрыемства «Джылі», аднак да сэрыйнай вытворчасьці справа не дайшла.