У Кітаі 14 лютага ад ускладненьняў, выкліканых новым каранавірусам COVID-19 памерла 143 чалавекі. Усяго з пачатку эпідэміі колькасьць памерлых дасягнула 1523 чалавек.
Пра гэта паведамляе прэс-служба Дзяржаўнага камітэта аховы здароўя краіны.
Усяго заражаных на каранавірус 66492 чалавекі. За мінулыя суткі колькасьць інфікаваных павялічылася ў Кітаі на 2641 чалавека.
У шпіталях знаходзяцца 56873 хворых, 11 тысяч — у цяжкім стане.
Больш за 8 тысяч чалавек паправіліся, і былі выпісаныя са шпіталёў.
ГЛЯДЗІЦЕ ТАКСАМА: Ці памруць ад каранавірусу 50 мільёнаў чалавек?