Прэзыдэнт ЗША Дональд Трамп заявіў 26 студзеня, што яго адвакаты «разарвалі на шматкі» аргумэнты дэмакратаў, якія патрабуюць асудзіць яго паводле артыкулаў аб імпічмэнце і адхіліць ад пасады, паведамляе Голас Амэрыкі.
Празь дзень пасьля таго, як яго адвакаты пачалі прадстаўляць аргумэнты ў абарону прэзыдэнта падчас справы аб імпічмэнце ў Сэнаце, Трамп напісаў у «Твітэры»: «сфабрыкаваны імпічмэнт — гэта буйнамаштабнае ўмяшаньне ў ход выбараў, падобнага якому не было ў гісторыі».
The Impeachment Hoax is a massive election interference the likes of which has never been seen before. In just two hours the Radical Left, Do Nothing Democrats have seen their phony case absolutely shredded. Shifty is now exposed for illegally making up my phone call, & more!
— Donald J. Trump (@realDonaldTrump) January 26, 2020
Трамп таксама атакаваў галоўнага абвінаваўцу дэмакратаў, кангрэсмэна Адама Шыфа, назваўшы яго «карумпаваным палітыкам і, верагодна, вельмі хворым чалавекам».
«Ён яшчэ не заплаціў за тое, што зрабіў з нашай краінай!» — дадаў Трамп.
Shifty Adam Schiff is a CORRUPT POLITICIAN, and probably a very sick man. He has not paid the price, yet, for what he has done to our Country!
— Donald J. Trump (@realDonaldTrump) January 26, 2020
Разгляд справы Трампа адновіцца 27 студзеня, калі яго адвакаты працягнуць пераконваць сэнатараў, што прэзыдэнт не зрабіў нічога супрацьзаконнага, калі ў ліпені летась папрасіў украінскія ўлады пачаць расьсьледаваньне ў дачыненьні да аднаго з галоўных супернікаў на выбарах 2020 году, былога віцэ-прэзыдэнта Джо Байдэна.
Трамп абвінавачваецца ў злоўжываньні паўнамоцтвамі і перашкодзе намаганьням Кангрэсу расьследаваць яго дзеяньні, зьвязаныя з Украінай.
ГЛЯДЗІЦЕ ТАКСАМА: Імпічмэнт Трампа: адвакаты прэзыдэнта пайшлі ў контранаступЮрысконсульт Белага дому Пэт Сіпалонэ пачаў прадстаўляць аргумэнты ў абарону Трампа 25 студзеня. Ён заявіў, што высунутыя дэмакратамі ў Палаце прадстаўнікоў абвінавачаньні «нават блізка не падыходзяць» пад паняцьце «сур’ёзных злачынстваў або правінаў», якія Канстытуцыя ўсталёўвае ў якасьці стандарту для імпічмэнту.
Раней на працягу трох дзён свае аргумэнты прадстаўлялі дэмакраты.
ГЛЯДЗІЦЕ ТАКСАМА: «Трамп стварыў „карупцыйную схему“ для падману на выбарах 2020 году». Дэмакраты агучылі довады на карысьць імпічмэнтуДля адхіленьня Трампа ад пасады патрабуецца дзьве траціны галасоў у Сэнаце. Пакуль ніхто з рэспубліканцаў, якія маюць у Сэнаце большасьць, не заявіў, што падтрымае імпічмэнт.