Гісторыя

Уладам Магілёва прапанавалі афіцыйна адзначыць Дзень волі. Яны адмовіліся

Магілёўскі гарвыканкам

Кіраўніцтва магілёўскага гарвыканкама не захацела рабіць гадавіну БНР агульна гарадзкім сьвятам.

З прапановай уключыць у плян афіцыйных гарадзкіх мерапрыемстваў на 2020 год сьвяткаваньне 102-гадавіны незалежнасьці БНР зьвярталіся да гарадзкіх уладаў кіраўнік абласной арганізацыі АГП Ўладзімер Шанцаў і каардынатар БХД Алег Аксёнаў.

ГЛЯДЗІЦЕ ТАКСАМА: У Вільні ўручаныя мэдалі Рады БНР дзеячам зь Беларусі

У адказе на зварот магілёўскіх палітыкаў гаворыцца, што для адзначэньня гістарычных падзеяў, якія паспрыялі фармаваньню беларускай дзяржаўнасьці ў 1917-1919 гадах дапускаецца правядзеньне «круглых сталоў, дыскусіяў гістарычнай скіраванасьці ў рамках статутнай дзейнасьці грамадзкіх і палітычных арганізацыяў». Падпісала ліст намесьніца старшыні гарвыканкаму Ала Галушка.

Уладзімер Шанцаў лічыць, што для Магілёўскага гарвыканкаму дзень абвяшчэньня незалежнасьці БНР падзея «чужая і незразумела». На ягоную думку пазыцыя мясцовых чыноўнікаў у пытаньні «афіцыйнага прызнаньня важнасьці для беларускай дзяржаўнасьці Дня волі залежыць ад таго, што скажа начальства зь Менску».

ГЛЯДЗІЦЕ ТАКСАМА: Зьбіраюць грошы на набыцьцё «Крыжа мужнасьці» Булак-Балаховіча для Гістарычнага музэю

Што важна ведаць пра Дзень Волі — 2019

  • 1 сакавіка — Аляксандар Лукашэнка вусна забараніў сьвяткаваць Дзень Волі канцэртам на стадыёне «Дынама», як таго хацелі арганізатары #БНР100 — кажа: «Ідзіце на Бангалёр».
  • 23 сакавіка ў Горадні — канцэрт у Калоскім парку з удзелам Зьмітра Вайцюшкевіча, Лявона Вольскага, гуртоў Nizkiz, «Крама», «Дай дарогу!» і Dzieciuki. Ад 3 да 5 тысяч гледачоў.
  • 23–24 сакавіка — акцыі беларусаў у Варшаве, Вільні, Кіеве, Нью-Ёрку, Празе ды іншых гарадах.
  • 24 сакавіка ў Менску — мітынг-канцэрт у Кіеўскім сквэры з удзелам «Дай дарогу», N.R.M., «Разьбітага сэрца пацана» ды іншых. Ад 1500 (паводле міліцыі) да 5–7 тысячаў (паводле арганізатараў) гледачоў. Затрыманыя Натальля Басалыга-Гарачка і Зьміцер Дашкевіч.
  • 25 сакавіка ў Гомлі — акцыя памяці герояў БНР.
  • 25 сакавіка ў Віцебску — адзіночны пікет Барыса Хамайды, які расцанілі як «парушэньне парадку ўтрыманьня населеных пунктаў».
  • 25 сакавіка ў розных гарадах — людзі вывешвалі бел-чырвона-белыя сьцягі на заклік арганізатараў #БНР101, уладам не спадабалася.
  • 25 сакавіка ў Менску на Кастрычніцкай плошчы — акцыя Алены Талстой (прыкавала сябе да слупа), затрыманьні палітыкаў і мінакоў. Праз тры гадзіны вызваленыя ўсе, акрамя Талстой, пратаколаў аб парушэньнях не складалі.
  • 25 сакавіка ў Менску на пешаходных вуліцах — затрыманьні музыкаў (Аракелян, Вайцюшкевіч, Варашкевіч і Вольскі), якія анансавалі, што зьбіраюцца прагуляцца і ўзяць з сабой музычныя інструмэнты. Пасьля затрыманьня дзясяткі людзей сьпявалі хорам песьні Вольскага, міліцыя пагражала затрыманьнямі і гвалтам. Праз тры гадзіны музыкі вызваленыя.
  • 25 сакавіка ў розных гарадах — салюты ў гонар Дня Волі.

Што яшчэ пачытаць, паслухаць, паглядзець пра БНР