Аляксандар Лукашэнка заявіў, што Беларусь толькі выйграла ад рашэньня працягнуць традыцыю адзначаць Дзень Кастрычніцкай рэвалюцыі і ад таго, што адмовілася зносіць помнікі Леніну і праводзіць дэкамунізацыю і люстрацыю», піша БелТА.
Лукашэнка перакананы, што рашэньне працягнуць традыцыю адзначаць сьвята 7 лістапада было правільным і краіна ад гэтага толькі выйграла. Паводле яго, захаваўшы сьвята, Беларусь таксама працягнула традыцыю савецкіх часоў рабіць так званыя падарункі ўлады народу.
«Мы захавалі гэта сьвята і падвялі пад яго адпаведную ідэалёгію: будзем заканчваць будоўлі, уборку ўраджаю, падводзіць вынікі і гэтак далей, і падарункі людзям (рабіць. — Рэд.)», — сказаў Лукашэнка.
ГЛЯДЗІЦЕ ТАКСАМА: Лукашэнка назваў Кастрычніцкую рэвалюцыю «сьвятам міру і правоў чалавека». А як насамрэч?Як падкрэсьліў Лукашэнка, Беларусь, у адрозьненьне ад суседніх Украіны і Расеі, не адмовілася ад свайго гістарычнага мінулага і ня стала зносіць помнікі савецкіх часоў.
«Я гэта спыніў адразу. У нас гатовыя былі таксама зносіць помнікі, правесьці дэкамунізацыю, люстрацыю — я гэта спыніў. І мы ад гэтага выйгралі. Сёньня пачалі ўсе вяртацца да таго, што крытыкуюць: вось, помнікі зьнесьлі. Мы нікому ня зьнесьлі, захавалі», — сказаў ён.
У 2015 годзе Лукашэнка ў адказ на пытаньне карэспандэнта Свабоды пра магчымую дэкамунізацыю і знос помнікаў Леніну ў Белаурсі адказаў, што ён не дазволіць зносу помнікаў, бо гэта праца людзей, «пэўнае мастацтва, хоць і часам нягеглае», і гэта наша гісторыя.
Аляксандар Лукашэнка адказвае на пытаньне карэспандэнта Свабоды Валера Каліноўскага пра помнікі Леніну ў гарадах Беларусі. 2015 год.
ГЛЯДЗІЦЕ ТАКСАМА: Што ва Ўкраіне робяць з дэмантаванымі помнікамі Леніну ГЛЯДЗІЦЕ ТАКСАМА: За 4 гады ва Ўкраіне дэмантавана 2500 савецкіх помнікаў, тысячу паселішчаў перайменавалі ГЛЯДЗІЦЕ ТАКСАМА: Дэкамунізацыя па-беларуску. Якіх Ленінаў і іншых Чапаевых пасунулі з цэнтру і чаму. ФОТА