Пад санкцыі трапілі Дзяніс Кузьмін і Ігар Несьцераў, якія, як мяркуецца, зьвязаныя з Прыгожыным.
Злучаныя Штаты ў панядзелак увялі санкцыі ў дачыненьні да двух расійскіх грамадзян, якія, як мяркуецца, зьвязаныя з «Агенцтвам інтэрнэт-дасьледаваньняў» — расейскай «фабрыкай троляў», якой былы спэцпракурор Робэрт Мюлер выставіў абвінавачаньні ва ўмяшаньні ў прэзыдэнцкія выбары 2016 году.
Як паведамляецца ў заяве на сайце Міністэрства фінансаў, у санкцыйны сьпіс трапілі Дзяніс Ігаравіч Кузьмін і Ігар Уладзіміравіч Несьцераў. Мяркуецца, што яны зьвязаныя з расейскім бізнэсоўцам Яўгенам Прыгожыным. Пад санкцыі таксама трапілі тры кампаніі, адно судна і тры самалёты.
ГЛЯДЗІЦЕ ТАКСАМА: Справаздачы для Сэнату ЗША: Расейская «фабрыка троляў» спрыяла Дональду Трампу на выбарах 2016 году