Беларусь апярэдзіла Турэччыну ў імпарце расейскага газу

Па выніках першай паловы 2019 году Беларусь заняла трэцяе месца па абʼёмах закупак расейскага газу.

Пра гэта паведамляе выданьне «Заўтра тваёй краіны» са спасылкай на «Газпром».

У параўнаньні з аналягічным пэрыядам мінулага году Беларусь апярэдзіла Турэччыну ў сьпісе найбуйнейшых кліентаў «Газпрому», больш за Беларусь купляюць расейскага газу толькі Нямеччына і Італія.

ГЛЯДЗІЦЕ ТАКСАМА: Расея хоча, каб Беларусь заставалася сатэлітам, але пры мінімальных тратах, — палітоляг Рудкоўскі

Сярод постсавецкіх краінаў скараціў імпарт расейскага газу Казахстан (з 2,243 млрд да 1,567 млрд кубамэтраў), у Эўропе паменшылі сёлета закупкі расейскага газу Нямеччына, Турэччына, Польшча і Вялікабрытанія. У той жа час Аўстрыя, Вугоршчына і Чэхія павялічылі імпарт газу з РФ.

Раней Украіна была адным з найбуйнейшых імпартэраў расейскага газу, але ў першай палове 2019 году абʼем украінскіх закупак склаў 1,547 млрд кубамэтраў.

Топ-10 найбуйнейшых імпартэраў расейскага газу ў першым паўгодзьдзі 2019 году