Прэзыдэнт Украіны Ўладзімір Зяленскі прадставіў новага кіраўніка адміністрацыі Луганскай вобласьці Віталя Камарніцкага і ўручыў яму пасьведчаньне. Адпаведны ўказ разьмешчаны на сайце украінскага прэзыдэнта.
Да свайго прызначэньня Камарніцкі быў рэктарам Луганскага дзяржаўнага ўнівэрсытэту ўнутраных спраў. Акрамя таго, паведамляецца, што ў 2010 годзе ён быў абраны дэпутатам Луганскай абласной рады ад «Партыі рэгіёнаў» Віктара Януковіча, які ў той жа год стаў прэзыдэнтам Украіны.
7 ліпеня Зяленскі разам з прэзыдэнтам Эўрапейскай Рады Дональдам Тускам знаходзіцца з рабочым візытам у Луганскай вобласьці.
ГЛЯДЗІЦЕ ТАКСАМА: Зяленскі запрасіў Лукашэнку на форум рэгіёнаў у Жытомір