Горадзенскі гурт Dzieciuki прэзэнтаваў новы трэк «Час касінераў» на верш Алеся Чобата і прапануе далучыцца да кампаніі папулярызацыі вобразу Кастуся Каліноўскага, паведамляе музычны партал TuzinFM.
«Мы заклікаем паказаць разам, што народ, у імя якога Кастусь Каліноўскі ўзышоў на шыбеніцу, памятае свайго героя!», — кажуць музыкі.
ГЛЯДЗІЦЕ ТАКСАМА: Пяць малавядомых фактаў пра Кастуся КаліноўскагаЛідэр гурта Алесь Дзянісаў расказаў, што напісаў песьню ў час працы над сваім сольным альбомам «Кароткая гісторыя Беларусі», але аўтар тэксту паэт Алесь Чобат папрасіў яго не ўключаць песьню ў рэліз, патлумачыўшы тым, што «гэта раньні верш і што ён занадта рамантычны і наіўны». Пры гэтым Чобат не забараніў выкарыстоўваць песьню па-за межамі сольніка.
Песьня будзе фінальнай у будучым альбоме гурту.
ГЛЯДЗІЦЕ ТАКСАМА: Як расейцы пахавалі Кастуся Каліноўскага: рукі зьвязаныя за сьпінай, цела засыпанае вапнай. ФОТАDzieciuki заклікаюць далучацца да грамадзкай кампаніі «Каліноўскі — наш герой» усіх неабыякавых беларусаў, каб годна прадставіць беларускі бок ва ўрачыстым перапахаваньні паўстанцаў 1863-1864 гадоў, знойдзеных на Замкавай гары ў Вільні, сярод якіх — Кастусь Каліноўскі. Падрабязьней пра імпрэзы можна дазнацца праз суполкі ў сацсетках Facebook / УКантакце / Instagram.
Сьцісла
- Літоўскія археолягі і гісторыкі знайшлі на Замкавай гары ў Вільні і ідэнтыфікавалі парэшткі Кастуся Каліноўскага і яшчэ двух дзясяткаў удзельнікаў антырасейскага паўстаньня 1863–1864 гадоў.
- Таямніцы 150-гадовай даўніны адкрыў апоўзень на гары Гедзіміна ў Вільні ў 2016 годзе.
- Раскопкі пачаліся ў студзені 2017-га, іх вынікі агучаныя ў сакавіку 2019.
- Літоўскія дасьледнікі сьцьвярджаюць адсутнасьць інтарэсу да ідэнтыфікацыі парэшткаў і іх мэмарыялізацыі зь беларускага афіцыйнага боку. ГЛЯДЗІЦЕ ТАКСАМА: «Інтарэс праяўляем». Інстытут гісторыі пракамэнтаваў сытуацыю вакол парэшткаў паўстанцаў Каліноўскага
- Перапахаваньне парэшткаў паўстанцаў заплянавалі на восень 2019 году (2 лістапада) на могілках Росы.
- Надмагільныя надпісы плянуюцца па-літоўску, па-польску і па-беларуску. ГЛЯДЗІЦЕ ТАКСАМА: Урад Літвы: «Імёны паўстанцаў будуць напісаныя на літоўскай, польскай і беларускай мовах» ГЛЯДЗІЦЕ ТАКСАМА: Дасьледчык паўстаньня 1863–1864 гадоў: Улады палохае вобраз Кастуся Каліноўскага