Заснавальнік партала TUT.by Юры Зісер прафінансаваў набыцьцё пяці арганаў для музычных навучальных установаў Менску і Пінску. Інструмэнты перадаў юным музыкантам мясцовы сацыяльны фонд «Добра».
Два электраарганы перадалі ў Пінск, на іх будуць граць навучэнцы гарадзкога каледжу і дзіцячай школы мастацтваў. У каледжы плянуюць адкрыць навучаньне новай спэцыяльнасьці дзякуючы зьяўленьню такога інструмэнта. Яшчэ тры арганы перадалі ў профільныя ўстановы сталіцы.
ГЛЯДЗІЦЕ ТАКСАМА: Заснавальнік TUT.BY Юры Зісер і пісьменьніца Юлія Чарняўская на Радаўніцу ў Курапатах. ФотаАпроч таго, Юры Зісер узяў на сябе частку выдаткаў для арганізацыі фэстывалю арганнай музыкі Mater Misericordiae памяці кардынала Казімера Свёнтка, які адкрываецца ў Пінску 25 траўня і зьбярэ каля 30 выканаўцаў і музычных калектываў зь Беларусі, Украіны, Польшчы і Расіі.
ГЛЯДЗІЦЕ ТАКСАМА: Зісер пра вырак Золатавай: «Гэта яшчэ мяккі прысуд, і я лічу яго перамогай»Госьці фэстывалю змогуць пачуць адзін з найстарэйшых беларускіх арганаў, пабудаваны ў 1836 годзе.