У нядзелю, 5 траўня ў Магілёве ўзьнялася пылавая бура ў выніку моцнага ветру. Гэта адбылося прыкладна ў 15 40, амаль адразу пасьля гэтага пачалася залева, якія і прыбіла пыл да зямлі. Карэспандэнты Свабоды змаглі зафіксаваць пылавую буру на відэакамэру.
ГЛЯДЗІЦЕ ТАКСАМА: Пылавая бура накрыла Горадню. ФОТА
«Цяпер у многіх гарадах Беларусі, дзе праводзяцца назіраньні за станам атмасфэрнага паветра, сапраўды назіраецца павышаны ўзровень забруджваньня паветра цьвёрдымі крупінкамі (пылам). Асноўная прычына ў тым, што ў краіне на працягу доўгага пэрыяду адсутнічаюць ападкі», — паведамлялі беларускія мэтэаролягі.
Раней у Польшчы і Ўкраіне прайшлі пясчаныя буры.