Аляксандар Лукашэнка паабяцаў Парку высокіх тэхналёгій (ПВТ) далейшую падтрымку. Пра гэта ён заявіў на сустрэчы з прадстаўнікамі ІТ-сфэры, паведамляе БелТА.
«Мы ўзялі з вамі гэты курс, і мы налева-направа наўмысна „хістацца“ ня будзем. Мы будзем ісьці прама. Калі трэба дзесьці вострыя куты абыйсьці, якія нам сёньня не патрэбныя, мы іх абыдзем, але я вас падтрымліваў і буду падтрымліваць. Таму што, па вялікім рахунку, вы мае дзеці. Я сваімі рукамі, як умеў, вас ствараў, а потым вы вырасьлі, пачалі прапаноўваць, як ісьці. Мы будзем рухацца ў гэтым кірунку настолькі эфэктыўна, наколькі вы гэтага захочаце», — заявіў Лукашэнка.
Ён меў на ўвазе, што ПВТ ствараўся ў 2005 годзе зь ягонай ініцыятывы.
Таксама ён выказаўся пра далейшае разьвіцьцё майнінгу і блокчэйну.
ГЛЯДЗІЦЕ ТАКСАМА: Лукашэнка пра IT-дэкрэт: «Я асабліва не напружваўся. Калі праваліцеся, гэта будуць вашыя праблемы»«Захацелі вы крыптавалюту, крыптабіржу, майнінг і іншае, фэрмы стварыць... Разам будзем ісьці гэтым шляхам», — дадаў Лукашэнка.
Ён падкрэсьліў, што дзяржава забясьпечыць падтрымку гэтаму кірунку.
Аляксандар Лукашэнка наведаў 12 красавіка менскі офіс Парку высокіх тэхналёгій і адзін з офісаў IT-кампаніі EPAM.
Яго суправаджалі кіраўніца ягонай адміністрацыі Натальля Качанава, міністар унутраных спраў Ігар Шуневіч і іншыя чыноўнікі. Прымалі яго, сярод іншых, дырэктар ПВТ Усевалад Янчэўскі і бізнэсовец Віктар Пракапеня.
ГЛЯДЗІЦЕ ТАКСАМА: У Беларусі запусьцілі першую крыптабіржуУ ПВТ Лукашэнку паказалі распрацоўкі ў аграрнай сфэры, оптыцы, мэдыцыне, робататэхніцы і віртуальнай рэальнасьці (наконт апошніх асобна адзначаецца: «выклікалі цікаўнасьць»).
ГЛЯДЗІЦЕ ТАКСАМА: Парк высокіх тэхналёгіяў вырас удвая за год. Што гэта значыць