У Менску 16 394 уласьнікі і наймальнікі атрымалі жыроўкі, у якіх плата за гарачую ваду разьлічана па поўным тарыфе. Яны трапілі ў сьпіс грамадзянаў, не занятых у эканоміцы.
Пра гэта агенцтву «Менск-Навіны» паведамілі ў Цэнтры інфармацыйных тэхналёгій Менгарвыканкаму.
«Дармаедам» па поўным тарыфе зроблены налічэньні за гарачае водазабесьпячэньне за люты і студзень.
ГЛЯДЗІЦЕ ТАКСАМА: У Беларусі налічылі паўмільёна «дармаедаў» і прыдумалі ім новае пакараньнеКалі плацельшчык жыве разам зь іншымі грамадзянамі, зарэгістраванымі ў кватэры, то плата за паслугу па павышаным тарыфе налічваецца толькі за яго частку. Яна ўказваецца асобным радком у жыроўцы.
ГЛЯДЗІЦЕ ТАКСАМА: Гомельскую «дармаедку», якая судзілася з уладамі, вызвалілі ад падвышаных камунальных плацяжоўГалоўнае пра «дармаедзкі» дэкрэт
Дэкрэт «Аб садзейнічаньні занятасьці насельніцтва», падпісаны Аляксандрам Лукашэнкам у студзені 2018 году, абавязаў усіх «не занятых у эканоміцы» грамадзян Беларусі ў поўным аб’ёме плаціць за датаваныя дзяржавай паслугі ЖКГ, пачынаючы з 2019 году.
7 пытаньняў і адказаў пра новы «дармаедзкі» дэкрэт
Пазьней 10 сьнежня Лукашэнка пазбавіў семʼі, дзе ўсе працаздольныя — «дармаеды», права на атрыманьне дзяржпадтрымкі пры будаўніцтве жытла.
- У «базу дармаедаў» занесьлі каля 425 тысяч чалавек. У іх лік трапілі, напрыклад, грамадзяне, якія сплацілі падаходны падатак, а таксама частка тых, хто стала пражывае за мяжой.
- Каб давесьці ўладам памылковасьць занясеньня ў базу, неабходна зрабіць шэраг бюракратычных захадаў.
Імаверна, пастанову Саўміну аб «дармаедах» ад 31 сакавіка прынялі задняй датай. Вядома, што 4 красавіка гэтай пастановы яшчэ не было.
Папярэдні «дармаедзкі» дэкрэт перапісалі
Першы дакумэнт аб «дармаедах» — дэкрэт № 3 ад 2015 году — абавязваў грамадзян, якія пастаянна пражываюць у Беларусі і ня ўдзельнічалі ў фінансаваньні дзяржаўных выдаткаў або ўдзельнічалі менш за паўгода, сплачваць збор памерам 20 базавых велічыняў. Інакш ім пагражаў штраф або адміністрацыйны арышт.
У 2017 годзе збор сплацілі больш за 54 тысячы чалавек з 470 тысяч, якім былі разасланыя паведамленьні, казалі ў Міністэрстве падаткаў і збораў.
Дзеяньне дэкрэту прыпынілі пасьля пратэстных «Маршаў недармаедаў», якія праходзілі ў гарадах Беларусі ўвесну 2017 году.