8 красавіка ў Менску адбыліся суды над абаронцамі Курапатаў Паўлам Севярынцам, Нінай Багінскай і Вольгай Мікалайчык. Таксама пачаўся працэс над актывістам Максімам Вінярскім.
Затрыманы ўчора былы кандыдат на прэзыдэнта Мікола Статкевіч знаходзіцца ў турме на Акрэсьціна. Ён быў ініцыятарам малітвы за Курапаты ў цэнтры Менску 7 красавіка.
Паўлу Севярынцу далі 15 сутак
У судзе Менскага раёну 8 красавіка адбыўся адміністратыўны працэс над сустаршынём Беларускай хрысьціянскай дэмакратыі Паўлам Севярынцам. Яго асудзілі на 15 сутак арышту з улікам адбытых да суду трох сутак. Яго затрымалі, калі ён спрабаваў весьці стрым з Курапатаў, дзе на месцы зьнесеных крыжоў пачалі ставіць плот.
ГЛЯДЗІЦЕ ТАКСАМА: Затрыманага ў Курапатах Паўла Севярынца асудзілі на 15 сутакПавал Севярынец у судзе
Ніну Багінскую пакаралі штрафам на 1275 рублёў
72-гадовую актывістку абвінавацілі ў тым, што яна перашкаджала будаўнічым працам у Курапатах, калі там зносілі крыжы і на іх месцы ставілі агароджу.
ГЛЯДЗІЦЕ ТАКСАМА: Ніну Багінскую судзілі за Курапаты двойчы за адзін дзеньНіну Багінскую затрымліваюць 5 красавіка
Вользе Мікалайчык — штраф у 35 базавых
Суд Першамайскага раёну аштрафаваў Вольгу Мікалайчык на 35 базавых велічыняў «за заклік на несанкцыянаванае мерапрыемства ў сацыяльных сетках». Вольга настойвала, што гэта быў ня заклік на мерапрыемства, а інфармаваньне пра малебен за Курапаты.
ГЛЯДЗІЦЕ ТАКСАМА: Вольгу Мікалайчык аштрафавалі амаль на 900 рублёў за допіс пра малебен у Курапатах. Статкевіча ў суд не прывезьліВольга Мікалайчык
Суд на Максімам Вінярскім адклалі на заўтра
Актывіста Максіма Вінярскага даставілі ў суд Маскоўскага раёну Менску. Яго вінавацяць па артыкуле 23.34 КаАП (парушэньне парадку арганізацыі ці правядзеньня масавых мерапрыемстваў). Яго затрымалі 6 красавіка. У судзе ён папрасіў адваката, разгляд справы адклалі на 9.30 9 красавіка.
ГЛЯДЗІЦЕ ТАКСАМА: У Менску затрыманы актывіст «Эўрапейскай Беларусі» Максім Вінярскі ГЛЯДЗІЦЕ ТАКСАМА: Крыжы, плот і малітвы. Сьцісла пра падзеі ў Курапатах