Касьмічны карабель Crew Dragon амэрыканскай прыватнай карпарацыі SpaceX упершыню прыстыкаваўся ў нядзелю да Міжнароднай касьмічнай станцыі (МКС). Жывая трансьляцыя стыкоўкі вялася ў Youtube-канале амэрыканскага аэракасьмічнага агенцтва NASA.
Стыкоўка вялася ў цалкам аўтаматычным рэжыме — на борце карабля няма экіпажу. NASA адзначае, што гэта першы касьмічны карабель, пабудаваны і кіраваны прыватнай камэрцыйнай кампаніяй, які прыстыкаваўся да МКС. Карабель правядзе на арбіце каля тыдня, пасьля чаго адправіцца назад на Зямлю.
Capture confirmed! After making 18 orbits of Earth since its launch, @SpaceX’s #CrewDragon spacecraft successfully attached to the @Space_Station via “soft capture” at 5:51am ET while the station was traveling just north of New Zealand. Watch: https://t.co/oJKHgK8eV7 pic.twitter.com/xO1rU5cAMM
— NASA (@NASA) March 3, 2019
Crew Dragon быў запушчаны з касмадрому на мысе Канавэрал у суботу. Калі місія пройдзе пасьпяхова, ужо летам на гэтым самым караблі да МКС выправяцца астранаўты. Паводле плянаў NASA, Crew Dragon кампаніі Ілана Маска і яго канкурэнт — прыватны карабель Boeing, запуск якога заплянаваны на гэты год, павінны замяніць для амэрыканскай касманаўтыкі распрацаваныя ў 60-я гады XX стагодзьдзя расейскія караблі «Саюз» пры дастаўцы астранаўтаў на МКС.
ГЛЯДЗІЦЕ ТАКСАМА: Кампанія SpaceX адклала першы палёт на Марс да 2020 году