«Стварэньне царквы — гэта гістарычны момант для Ўкраіны», — гаворыцца ў паведамленьні.
У Дзярждэпартамэнце дадалі, што ЗША «пастаянна падтрымліваюць Украіну» і паважаюць права на свабоду веравызнаньня для ўсіх украінцаў — як тых, хто далучыцца да адзінай праваслаўнай царквы, так і тых, хто вырашыў не рабіць гэтага.
15 сьнежня ў Кіеве ў Сафійскім саборы адбыўся аб’яднаўчы сабор дзеля стварэньня адзінай Украінскай памеснай праваслаўнай царквы, які выбраў ейным прадстаяцелем мітрапаліта Эпіфанія.
Патрыярх Варфаламей запрасіў яго ў Стамбул для атрыманьня томасу.
ГЛЯДЗІЦЕ ТАКСАМА: Першы выступ мітрапаліта памеснай Праваслаўнай царквы Ўкраіны. ВІДЭАШто важна ведаць пра раскол праваслаўных цэркваў
Патрыярх Кірыл прыляцеў у Менск 13 кастрычніка, каб правесьці 15 кастрычніка сынод Расейскай праваслаўнай царквы. Па выніках сыноду РПЦ спыніла эўхарыстычную лучнасьць з Канстантынопалем.
- Вернікам РПЦ забаронена маліцца ў турэцкіх Стамбуле і Анталіі, грэцкіх Крыце, Родасе, астравах архіпэлягу Дадэканэс, а таксама ў манастырах на грэцкім Афоне.
- «Раскол» тычыцца і беларускіх вернікаў РПЦ. Але, як тлумачыла Свабодзе тэоляг Натальля Васілевіч, кожны вернік сам можа вырашыць, як ставіцца да рашэньня РПЦ.
- За адмову трымацца рашэньня Сыноду РПЦ духавенству пагражае звальненьне з пасады, часовая або пажыцьцёвая забарона служыць, пазбаўленьне сану і адлучэньне ад царквы.
- 13 кастрычніка ля сабора Сьвятога Духа патрыярха Кірыла сустракалі хлебам з сольлю, але ён прайшоў міма. Звычайныя вернікі глядзелі набажэнства на экране.
Патрыярх Кірыл у Менску, 13 кастрычніка
- Гэта скрытыкаваў у сваім фэйсбуку сьвятар менскага прыходу Аляксандар Шрамко. 16 кастрычніка сьвятара звольнілі зь менскай эпархіі за крытыку патрыярха.
- Кірыл заявіў, што Беларусь — асаблівая частка Русі, а Белай яе назвалі, мабыць, таму, што яна ніколі не падпадала «пад залежнасьць іншаземных і іншаверных урадаў». Што трэба разумець пад словам «Русь», герарх не патлумачыў.
- На фоне візыту расейскі дыякан Андрэй Кураеў заўважыў, што скасаваньне Канстантынопалем патрыяршай граматы 1686 году аб пераходзе Кіеўскай мітраполіі пад Маскву тычыцца як Украіны, так і Беларусі. Бо тады, у XVII ст., да Кіеўскай мітраполіі належала і беларуская тэрыторыя.