У наступным годзе жыхары Беларусі будуць плаціць за электрычнасьць па адзіным тарыфе, паведаміў БелТА намесьнік прэм’ер-міністра Беларусі Ўладзімер Кухараў. Цяпер памер платы за электраэнэргію залежыць ад таго, якая пліта стаіць у кватэры: газавая ці электрычная.
Такое рашэньне ўладаў зьвязанае з будаўніцтвам АЭС у Астраўцы.
«Пасьля будаўніцтва БелАЭС у нас будзе ў дастатковай колькасьці айчыннай электраэнэргіі. Мы бачым, што зможам даць для насельніцтва танную электраэнэргію ў любых абʼёмах», — заявіў Кухараў.
Па словах віцэ-прэмʼера, цяпер пры будаўніцтве кватэраў разьлічваюць на максымальнае выкарыстаньне электраэнэргіі ў жылых дамах.
Праблему выкарыстаньня электраэнэргіі з будучай АЭС ня раз уздымаў Аляксандар Лукашэнка. Ён даў ураду ўказаньне пашырыць выкарыстаньне электраэнэргіі ў прамысловасьці, транспарце і нават ІТ-сэктары.
ГЛЯДЗІЦЕ ТАКСАМА: «Наперадзе эра чыстай энэргетыкі». Лукашэнка ня ведае, куды падзець электраэнэргію з будучай АЭСРаней улады плянавалі прадаваць электраэнэргію з будучай АЭС суседнім краінам, але пакуль канкрэтных дамоўленасьцяў няма.
ГЛЯДЗІЦЕ ТАКСАМА: Фінляндыя не захацела энэргіі зь БелАЭС, хоць мае патрэбу ў нерасейскай крыніцы