Вядомы ў мінулым аргентынскі футбаліст Дыега Марадона пабыў у Берасьці ўсяго суткі, а інфармацыйныя хвалі накрываюць Беларусь дагэтуль.
Замест таго, каб яшчэ ў жніўні прыступіць да выкананьня абавязкаў «старшыні праўленьня» футбольнага клюбу «Дынама» (Берасьце), аргентынскі «кантрактнік» аб’явіўся ў Мэксыцы, дзе ўзначаліў нічым не прыкметную каманду другога дывізыёну Dorados de Sinaloa.
Заўзятары з народу Саша і Сірожа задаюцца пытаньнем: чаму Дыега Армандавіч «прадынаміў» грыбны сэзон на Берасьцейшыне і выправіўся ў поўны небясьпекі штат Сіналоа, прыстанак мэксыканскіх наркакартэляў?