Заходнія журналісты Патрык Рывэл і Олівэр Кэраль датэлефанаваліся па нумары тэлефона на дакумэнтах Аляксандра Пятрова з Фэдэральнай міграцыйнай службы. На другім баку журналістам адказалі, што яны патрапілі ў Міністэрства абароны Расеі.
«Я патэлефанаваў па нумары, указаным на дакумэнтах Аляксандра Пятрова, якога падазраюць у атручваньні ў Солсбэры. Іх раней апублікаваў Bellingcat. "Новая газета" сьцьвярджае, што нумар належыць Мінабароны. Мужчына, які падняў трубку а 3 раніцы пацьвердзіў, што я датэлефанаваўся ў міністэрства», — твітуў Рывэл.
I called the phone number on this passport file of the #Salisbury poisoning suspect Alexander Petrov, that @bellingcat published and which @novaya_gazeta says is a Russian Defense ministry number.Man who answered at 3am confirmed I had got through to the ministry.#Russia pic.twitter.com/cjZpD3t2wI
— Patrick Reevell (@Reevellp) 15 września 2018
Гэтую інфармацыю пацьвярджае іншы заходні журналіст.
«Толькі што патэлефанаваў па тым самым нумары. Чалавек на канцы лініі пацьвердзіў, што гэта нумар прыёмнай Міністэрства абароны. Ці быў спадар Пятроў іх супрацоўнікам? Павесіў трубку», — піша Кэраль.
Have just called the number in question — man at end of line confirms the number is for reception of Ministry of Defence. Was Mr Petrov their employee? -- hangs up https://t.co/o2EcMpSdOk
— Oliver Carroll (@olliecarroll) 15 września 2018
Раней Bellingcat і The Insider апублікавалі сумеснае расьсьледаваньне, часткай якога было дасье Фэдэральнай міграцыйнай службы на Аляксандра Пятрова, узятае з базы дадзеных ФМС, да якой маюць доступ толькі супрацоўнікі МУС.
ГЛЯДЗІЦЕ ТАКСАМА: Дакумэнты даводзяць датычнасьць «расейскіх турыстаў у Солсбэры» да спэцслужбаў, — The Bellingcat і The InsiderНа ім стаіць штамп «Зьвестак не даваць. Цалкам сакрэтна», а ў самім дасье няма ні гісторыі атрыманьня іншых нацыянальных і замежных пашпартоў, ні гісторыі рэгістрацый па розных адрасах.